とんかつ専門店 宴美豚

營業中

休息中

今晚車車同朋友諗住去黃大仙夜繽紛湊熱鬧, 去玩之前緊係要填飽左個肚先啦! 我地就去左荷里活廣場到睇下有咩食, 見到E間宴美豚咁多人排一定好好食, 於是我地就揀左E間試下, 等左一陣終於入得啦! 餐廳環境幾大, 乾淨企理店員安排左我地坐係旁邊嘅卡位! 餐廳嘅食物選擇幾多, 款款都好似好吸引咁, 我同朋友都揀左好耐! 揀好之後店員就會先奉上一碗白芝麻, 由自己人手磨碎, 一邊磨就一邊聞到好香嘅芝麻味散發出嚟!✨️吉列豬扒味噌定食一上枱就知不得了份量十足, 豬扒好厚身, 外皮炸得金黃酥脆, 入口外脆內嫩, 軟熟鮮味, 肉汁豐富, 就咁食都完全唔會覺得膩, 配上醬汁別有一番風味, 特別開胃!✨️黑炭咖喱吉列海鮮定食同樣份量十足嘅定食, 吉列海鮮有帶子／三文魚／海老／蠔, 件件都炸至金黃色, 炸皮好薄, 咬落去d海鮮好juicy好好味! 配上惹味可口嘅黑炭咖哩, 真係令人一啖接一啖咁食!✨️蔥花吞拿魚腩米餅 將蔥花吞拿魚腩蓉夾落脆卜卜嘅米餅同食, 口感極為豐富, 相當鮮味!