影片
更多
2022-08-31
4691 瀏覽
今次聽朋友介紹，終於黎呢間一鍋堂黎個打邊爐放題，話鍋底正，牛肉靚喎，幸運的7點鐘walkin 仲有位可以即入唔使等，先揀好鍋底 (雙併鍋加50蚊), 就可以入座，個場唔算好大，但坐底都唔覺逼，空氣流通唔焗促。鍋底揀左喇沙湯同潮汕湯底，喇沙湯有濃濃椰奶同蝦嘅香味，微辣，淥海鮮就啱哂。潮汕湯底相對比較特別，係一整片大地魚乾，加韮菜，冬菇，熬製出清得黎好鮮甜嘅魚湯，淥蔬菜就最夾。先講牛肉，288蚊嘅C 餐可以叫澳洲M5 和牛，真係好靚，油花多，肉嫩味香，真係值得加多少少錢去C 餐。牛板腱，安格斯都有相當水準，只係切得比較薄，要多叫幾碟，不過全電子化落單，全程無發現漏單情況，可以盡情叫，叫多幾碟補數。海鮮方面有蝦，蜆，白鱔，鯇魚，脆肉鯇，款式比一般火鍋店更多，而且都好新鮮，首推白鱔，肉質爽滑有魚脂香，唔多骨，追加左3碟都係咁好食，蝦，帆立貝，蜆亦都好鮮味。配料方面，黑松露墨魚滑值得一試，彈牙鮮味。另外蔬菜都好乾淨企理，例如淮山，油麥菜，萵荀，全部新鮮爽脆。飲品有大量選擇，首推洛神花茶，淡淡酸甜，又夠凍，減減打邊爐的油膩感。另有海底椰，薄荷烏龍等自泡飲料，仲有幾十款紙包罐裝飲料，真係食多幾次都唔
鍋底揀左喇沙湯同潮汕湯底，喇沙湯有濃濃椰奶同蝦嘅香味，微辣，淥海鮮就啱哂。潮汕湯底相對比較特別，係一整片大地魚乾，加韮菜，冬菇，熬製出清得黎好鮮甜嘅魚湯，淥蔬菜就最夾。
潮汕鍋底
112 瀏覽
1 讚好
0 留言
先講牛肉，288蚊嘅C 餐可以叫澳洲M5 和牛，真係好靚，油花多，肉嫩味香，真係值得加多少少錢去C 餐。
澳洲m5 和牛
85 瀏覽
0 讚好
0 留言
安格斯
64 瀏覽
0 讚好
0 留言
牛板腱，安格斯都有相當水準，只係切得比較薄，要多叫幾碟，不過全電子化落單，全程無發現漏單情況，可以盡情叫，叫多幾碟補數。
海鮮方面有蝦，蜆，白鱔，鯇魚，脆肉鯇，款式比一般火鍋店更多，而且都好新鮮，首推白鱔，肉質爽滑有魚脂香，唔多骨，追加左3碟都係咁好食，蝦，帆立貝，蜆亦都好鮮味。
配料方面，黑松露墨魚滑值得一試，彈牙鮮味。另外蔬菜都好乾淨企理，例如淮山，油麥菜，萵荀，全部新鮮爽脆。
飲品有大量選擇，首推洛神花茶，淡淡酸甜，又夠凍，減減打邊爐的油膩感。另有海底椰，薄荷烏龍等自泡飲料，仲有幾十款紙包罐裝飲料，真係食多幾次都唔會飲厭。
120分鐘放題，有充足時間進食，last order 亦有店員溫馨提示，無漏單，收碟速度快，服務比其他放題火鍋店更滿意。
張貼
