浜松水產 (已結業)

最近搭車果陣都會經過見到E間新開嘅浜松水產好似唔錯咁, 於是今晚就同朋友一齊去試下! 餐廳位於地牢位置, 牆身貼滿日本廣告／鐵路站嘅poster, 令人好想回鄉呢! 食物種類繁多, 刺身鍋物串燒煮物咩都有, 更有新鮮嘅限定食材, 真係睇到花多眼亂⭐松•象拔蚌盛合（七點盛）盛盒有加拿大象拔蚌刺身, 三文魚, 珍寶赤蝦, 北海道帆立貝, 鹿兒島油甘魚腩, 海膽同赤身! 款款都新鮮厚切, 鮮甜味美!⭐青花瓷生蠔生蠔好大隻, 食落海水味唔算濃, 口感較為清爽, 上面淋左醬汁, 食落幾開胃⭐花魚一夜干一夜干啖啖肉, 咸咸香香, 佐酒一流⭐HaramiHarami即係腹身, 每隻牛只有一條, 脂肪比較少, 肉味濃郁, 非常軟腍⭐清酒煮蜆蜆肉鮮甜可口, 份量十足幾抵食⭐海膽拖羅蓉多士脆卜卜嘅多士上面堆滿海膽, 吞拿魚蓉同蟹籽, 口感超鮮超豐富大滿足⭐鹿兒島蕯摩赤雞腿肉雞腿肉嫩滑juicy啖啖肉⭐極上牛舌芯牛舌芯口感爽脆彈牙, 牛味濃郁⭐厚切松阪豬豬肉咬落去幾爽彈, 幾惹味⭐壽喜燒牛肉鍋超大鍋好足料, 味道不錯, 餸飯一流⭐司牡丹山柚子酒⭐花Pineapple Flavor⭐風梅酒Highball