阿爺八鮮鍋 (已結業)

雖然天氣熱但係都想打邊爐 今次嚟到食海鮮任食火鍋仲以為佢淨係可以打邊爐 點知佢仲有好多其他嘢食 一坐低就有足料燉湯 飲落冇味精 真材實料 Like 社交平台仲有小食送呀 個沙律又幾好味跟住就有花膠年糕雞煲 雞煲一定要叫少少辣先好食 個汁好濃味好正刺身拼盤升級左做魔王西澳龍蝦象拔蚌海立魚刺身拼盤 原來龍蝦都可以食刺身 真係第一次 食落幾爽口喎 刺身亦都好新鮮其實食到呢度已經飽咗要開始正式打邊爐啦本身會有一個海鮮盒有鮑魚龍蝦扇貝 另外亦都可以自己再點一啲海鮮啊牛啊丸嗰啲嘩睇吓個蟹棒仲長過支筷子啊臨尾食埋個雪糕 真係好飽好滿足