影片
更多
2018-07-08
2076 瀏覽
今日入左荃灣搵朋友食飯，我地上網見到呢間好似唔錯，就決定試下。都有好多款唔同嘅飲品，連啤酒都有！火鍋豉油同醬料當然唔少得喇！仲有雪糕既toppings比客人自己按喜好加！一共有九類食物任你點！仲有好多唔同既菜類自己拎，野食多到數唔哂，包你食到飽！我地點左椰香沙嗲同壽喜燒，本身對沙嗲湯底無乜興趣，但係點知好好食！因為佢加左椰汁，令到成個湯底都好香，係充滿住椰香，非常惹味。反而壽喜燒就比較普通，無乜特別。然後就有兩碟牛同一碟豬放左係個架到，呢個設計我覺得幾好，慳位之餘又幾靚。<美國極上牛肉>呢款牛肉好好食，好腍好嫩，都好有牛味！<美國牛肉>呢款就好似肥肉咁，我覺得極上牛肉個牛味會香啲。同埋呢款略嫌肥左少少。<特選豚肉>薄切嘅豚肉，雖然都肥左少少，但係幾好食，好滑，好腍。另外如果想食好啲，就可以追加一碟澳洲和牛肉200g一碟$118(任食每位加$158)或者日本黑毛和牛肉200g一碟$178(任食每位加$198)。勝在可以加一碟，啱晒啲想食好少少又食得唔多嘅朋友！呢到仲有紐西蘭羊肩肉，不過我同朋友都唔太好羊，所以都無叫。<刺身>
今日入左荃灣搵朋友食飯，我地上網見到呢間好似唔錯，就決定試下。
都有好多款唔同嘅飲品，連啤酒都有！
火鍋豉油同醬料當然唔少得喇！
仲有雪糕既toppings比客人自己按喜好加！
一共有九類食物任你點！
仲有好多唔同既菜類自己拎，野食多到數唔哂，包你食到飽！
我地點左椰香沙嗲同壽喜燒，本身對沙嗲湯底無乜興趣，但係點知好好食！因為佢加左椰汁，令到成個湯底都好香，係充滿住椰香，非常惹味。反而壽喜燒就比較普通，無乜特別。
然後就有兩碟牛同一碟豬放左係個架到，呢個設計我覺得幾好，慳位之餘又幾靚。
美國極上牛肉
21 瀏覽
0 讚好
0 留言
呢款牛肉好好食，好腍好嫩，都好有牛味！
美國牛肉
21 瀏覽
0 讚好
0 留言
<美國牛肉>
呢款就好似肥肉咁，我覺得極上牛肉個牛味會香啲。同埋呢款略嫌肥左少少。
特選豚肉
24 瀏覽
0 讚好
0 留言
<特選豚肉>
薄切嘅豚肉，雖然都肥左少少，但係幾好食，好滑，好腍。
另外如果想食好啲，就可以追加一碟澳洲和牛肉200g一碟$118(任食每位加$158)或者日本黑毛和牛肉200g一碟$178(任食每位加$198)。
勝在可以加一碟，啱晒啲想食好少少又食得唔多嘅朋友！
呢到仲有紐西蘭羊肩肉，不過我同朋友都唔太好羊，所以都無叫。
刺身
19 瀏覽
0 讚好
0 留言
一共有十款三文魚、螺片、八爪魚、墨魚、鮑片、帶子、北寄貝、赤貝、有頭甜蝦同埋希靈魚。
三文魚、墨魚、帶子、北寄貝、赤貝同有頭甜蝦都好好食！
三文魚肥到好似三文魚腩咁；
墨魚幾爽口幾好味；
帶子都算好鮮甜；
北寄貝爽口鮮甜；
赤貝勁爽勁好食；
有頭甜蝦都好甜好肥美。
好少有火鍋放題嘅刺身咁高質！
火炙和牛壽司、 火炙三文魚腩壽司
17 瀏覽
0 讚好
0 留言
呢兩件壽司就普通，不過不失。
黃金炸生蠔
31 瀏覽
0 讚好
0 留言
不得了嘅炸生蠔，即叫即炸，熱辣辣，一咬落去仲有蠔嘅汁咇出嚟，超級juicy，勁正！
仲有好多火鍋配料，不過我哋食得少所以叫咗少少食，以免浪費。
值得一提
白蘿蔔好鮮甜；
韭菜豬肉餃都幾好食；
芝士波波腸好芝士，鍾意芝士嘅朋友一定要試吓；
其他食物都好正常。
最後，亦都係全晚嘅重點，甜品！
呢到嘅甜品真係令我好有驚喜，從來未食過任食放題入邊有咁好食嘅甜品。
個宇治抹茶芭菲同埋窩夫我哋都要再Encore。
宇治抹茶芭菲
29 瀏覽
0 讚好
0 留言
<宇治抹茶芭菲>
抹茶味雪糕唔會太苦澀，配上一啲朱古力嘅脆脆，又係好夾好好食。
軟雪糕窩夫
21 瀏覽
0 讚好
0 留言
窩夫外脆內軟，配埋個軟雪糕好好食好香牛奶味，加上士多啤梨同埋小小嘅煉奶真係勁勁勁勁勁好食。
芒果班戟
17 瀏覽
0 讚好
0 留言
<芒果班戟>
芒果班戟就不過不失。
我都幾推介大家去食，價錢合理，食物質素都幾高，而且服務都唔錯。最重要可以一晚食到刺身打邊爐再加上好好食嘅甜品都係$260(連加一)，我覺得算係咁。
張貼
