成記茶寮

營業中

休息中

今日咁岩係元朗上堂，放lunch時候本來一心諗住去又新街好出名既發記腸粉粥品食粥，但去到竟然見到裝修緊....跟住即刻上網搵下有咩好野食，見到話成記d豬扒飯大件抵食又好味見又唔遠就去試下。去到唔多人有位，行入去果時見到第一枱客食緊豬扒飯見到塊豬扒即刻比佢吓左下，超大塊豬扒，坐底即叫啊姐落單唔洗講野。手掌咁大塊豬扒，勁厚仲要有兩塊，重點係雖然厚但一d都唔會韌。豉油汁帶甜香濃而不咸非常好送飯配埋煎到焦香既豬扒簡直一絕！因為豬扒超大塊所以一塊我已經食晒成個飯.....第二塊叉住就咁食，但又唔會覺得咸，最後埋單$42跟凍飲。相比起大x樂果d成q日賣廣告話厚切焗豬扒真係笑左出黎...食過成記就知咩料。