影片
更多
2016-10-15
456 瀏覽
啱啱去左着名嘅嘉頓山影相，行完落黎決定補一補腳骨力。聽聞深水埗呢間茶記嘅豬手麵幾出名，所以黎一試其味。黎到排左約五分鐘隊就入得，我地諗都唔使諗就落單嗌豬手麵同蛋牛治。聽隔離枱叫蛋牛治時係叫左滑牛烘底，我地就跟住咁叫，睇下係咪好食啲。等左一陣，碗麵就送到了。細細個碗有成三舊豬手真係估佢唔到，講真啲豬手燘得好腍同入味,配埋啲鹵水湯，碗麵三扒兩撥就清左。而個滑蛋牛治+烘底真係不得了，牛肉分量好足，又有咬口，唔似有啲茶記啲牛肉係梅梅地咁，夾埋啲滑蛋....成件蛋牛治就係咁好食的了。唯一敗筆嘅地方係叫左個菠蘿冰，呢個真係麻麻，糖水+菠蘿+冰=完。整體真係唔錯，下次行完嘉頓山打卡影相，落黎可以黎呢度補返下腳骨力喇～
等左一陣，碗麵就送到了。細細個碗有成三舊豬手真係估佢唔到，講真啲豬手燘得好腍同入味,配埋啲鹵水湯，碗麵三扒兩撥就清左。
而個滑蛋牛治+烘底真係不得了，牛肉分量好足，又有咬口，唔似有啲茶記啲牛肉係梅梅地咁，夾埋啲滑蛋....成件蛋牛治就係咁好食的了。唯一敗筆嘅地方係叫左個菠蘿冰，呢個真係麻麻，糖水+菠蘿+冰=完。
整體真係唔錯，下次行完嘉頓山打卡影相，落黎可以黎呢度補返下腳骨力喇～
張貼
