黑木堂

營業中

休息中

突然同朋友好需要食啲壽司，行開附近就揀咗黑木堂。一坐低就遞上熱茶壺，我地都叫咗個三文魚腩刺身同幾款壽司先。因為都夜，得我地一枱刺身，但等咗十幾分鐘都未見，我地就再加點最後一件赤貝壽司，等多陣後，反而上咗壽司先。我先食海膽壽司，因為個紫菜好似就嚟唔得，同埋個海膽都係，食落甘味偏重，味道單調，口感溶散。三文魚子就完全唔同，咸鮮十足，溫度剛好仲脆卜卜。蔥呑拿魚腩都好滑潤肥美，鮮美不錯。不過要講講舊濕濕糊口嘅壽司飯要改善下。跟住就上三文魚腩刺身，以為捲着好細片，一打開超大塊，真係超肥美。最後叫咗個雜錦魚生沙律，魚生種類我見都有四五種，分量仲非常慷慨。沙律菜都爽脆，沙律調味都係嗰啲油油醋醋啦，不過胡椒粉好似落得多咗。