影片
更多
2022-05-14
225 瀏覽
舊區重建令到呢個區越黎越多野食，大部份都係平民化嘅食肆，估唔到連高級嘅餐廳都有！長沙灣區我都算幾熟悉，呢邊都真係冇咩可以食到鐵板燒，所以今日同朋友慶祝生日就黎食餐好嘅順便試下佢！佢嘅外表同裝修都好靚，雖然同呢區有D格格不入但真係好精緻！朋友話想食龍蝦，生日個個話事我梗係逢陪啦！野食慢慢上，成餐飯可以放慢個步伐咁寫意地食，真係好chill! 岩晒想享受又有空間傾下計嘅我地，唔怕野食會凍晒！刺身總共有4款，分別係金目鯛，油甘魚，三文魚同中吞拿魚腩，每款都好新鮮而且厚切！我地都未食過金目鯛，店員介紹呢款係已經調好味所以唔需要再點豉油。食落口感都幾爽口而且調味得幾好。而朋友就最鐘意食中吞拿魚腩，肥美又鮮味！店員介紹呢類係南非鮑魚，雖然我地唔太知道邊度嘅鮑魚係最靚，但一睇呢隻都應該唔錯，大大隻，食落非常爽口彈牙，加上廚師調味得岩岩好，食落惹味得黎又唔會蓋過左鮑魚嘅鮮味！雖然係細細間舖但食物質素都真係唔輸洩～跟住就到成餐嘅主角龍蝦了！雖然要食over 一千蚊真係有D肉痛，但一食到呢隻龍蝦真係覺得值回票價了！首先隻龍蝦好大隻，有好多舊肉，除左起左出黎嘅肉之外，龍蝦殼入面都仲有部份肉，食完之後都飽左1
朋友話想食龍蝦，生日個個話事我梗係逢陪啦！
野食慢慢上，成餐飯可以放慢個步伐咁寫意地食，真係好chill! 岩晒想享受又有空間傾下計嘅我地，唔怕野食會凍晒！
刺身總共有4款，分別係金目鯛，油甘魚，三文魚同中吞拿魚腩，每款都好新鮮而且厚切！我地都未食過金目鯛，店員介紹呢款係已經調好味所以唔需要再點豉油。食落口感都幾爽口而且調味得幾好。而朋友就最鐘意食中吞拿魚腩，肥美又鮮味！
店員介紹呢類係南非鮑魚，雖然我地唔太知道邊度嘅鮑魚係最靚，但一睇呢隻都應該唔錯，大大隻，食落非常爽口彈牙，加上廚師調味得岩岩好，食落惹味得黎又唔會蓋過左鮑魚嘅鮮味！雖然係細細間舖但食物質素都真係唔輸洩～
跟住就到成餐嘅主角龍蝦了！雖然要食over 一千蚊真係有D肉痛，但一食到呢隻龍蝦真係覺得值回票價了！首先隻龍蝦好大隻，有好多舊肉，除左起左出黎嘅肉之外，龍蝦殼入面都仲有部份肉，食完之後都飽左1/3， 包食到你滿足！肉質嫩滑而且爽口彈牙，係好新鮮嘅食材！蝦膏調味令到成個鮮味提升晒，完全唔會覺得膩，食到真係哇一聲，忍唔住食完一舊又一舊！
鵝肝多士，我唔係big fans of 鵝肝但我都覺得唔錯，多士好香牛油味，而且鵝肝好肥，如果鐘意食鵝肝嘅朋友應該會食得好開心～
可能之前個幾道餸太出色，呢個牛肉薄燒食落就感覺比較失色。牛肉味唔算太濃，夾上蔥蒜，整體感覺比較普通
最後就係櫻花蝦炒飯，炒野菜同味噌湯，屬於正常發揮～雖然食完已經好飽但感覺上如果有個小甜品係最後的話應該會係一個更完滿嘅句號！
張貼
