平民扒房@友蠔食 (已結業)

呢間餐廳真係非常之神秘，佢係喺一間韓國餐廳入面，再上一條樓梯先會去到。雖然咁隱蔽，帶我去嗰日平日都full house，真係有佢吸引之處🤩有時想食好嘢，但又唔係想去好正式嘅高級餐廳，呢度真係一個好好嘅選擇。雖然無華麗嘅裝修，地方細細，但佢就將重點全部放去食物質素上面，超級驚喜！🤩🤩Dinner set 四百幾蚊，已經有齊海鮮拼盤、小食、主食同嘢飲，又高質又飽肚😉海鮮拼盤🦪🐚空運黎嘅生蠔，雖然細細隻，但好新鮮，鮮甜味同海水味都好足夠。同埋個帶子刺身一定要好好品嚐，質素真係同我之前喺高級酒店嘅一模一樣🤩🤩但今次性價比高好多🥩熱石巴西牛柳🪨一上枱我就「嘩」一聲，廚房先煮到一成熟，上枱之後再自己係熱辣辣嘅石上面煎。我覺得好好玩🤣牛柳只係輕輕調味，加埋黑椒汁同一堆蒜蓉，好好牛味🤩