影片
更多
2020-11-14
824 瀏覽
一行三人去完林村，就揸車去上村搵間餐廳食晚飯。依間印度菜我地食開架啦🤤，佢地係真印度人，一個識少少廣東話，一個就淨係英文溝通。入到去好似去左小印度咁😂。我哋每次嗌嘅款式都差唔多，因為呢幾樣野都係好食，所以唔會轉🥰。素菜咖喱角 $28非常之大件，細過女仔拳頭少少咁啦😂，一碟三件，如果一個女仔食晒三個真係會好飽。大家唔好諗住一個人可以食個炒飯/炒麵再加三隻咖喱角，比較岩share食。咖喱角嘅味道辣辣地，絕對唔係日式咖喱飯既甜咖喱🍛。岩岩炸起個皮脆卜卜，佢既皮厚身，唔似中式嘅春卷。價錢一啲都唔貴，呢個價錢市區一定食唔到，所以係我哋必嗌小食😚！芝士洋蔥烤餅 $25呢度嘅烤餅係必食嘅，原因好簡單，真係好好食，價錢亦都唔貴，$25已經有四大片。唔會烤到好乾，食裡面嘅餡料時，仲食到啲汁。我哋今次嗌既係芝士洋蔥烤餅，芝士好香🧀，未到要拉絲既程度，但一啲都唔差！由於今次嗌得太多野食，所以食唔晒，我就拎咗兩塊烤餅返屋企。第二日就用個平底鑊煎返佢嚟食，就算係再煮，個烤餅都仲係好好食💕！雜錦卡巴（羊肉拼雞肉）$58呢個係我嘅必嗌食物，我最鍾意佢好方便，一隻手拎住食，另一隻手仲可以玩電話😂。食落去個餅皮其實同烤
素菜咖喱角 $28
非常之大件，細過女仔拳頭少少咁啦😂，一碟三件，如果一個女仔食晒三個真係會好飽。大家唔好諗住一個人可以食個炒飯/炒麵再加三隻咖喱角，比較岩share食。咖喱角嘅味道辣辣地，絕對唔係日式咖喱飯既甜咖喱🍛。岩岩炸起個皮脆卜卜，佢既皮厚身，唔似中式嘅春卷。價錢一啲都唔貴，呢個價錢市區一定食唔到，所以係我哋必嗌小食😚！
素菜咖喱角
$28
38 瀏覽
0 讚好
0 留言
芝士洋蔥烤餅 $25
呢度嘅烤餅係必食嘅，原因好簡單，真係好好食，價錢亦都唔貴，$25已經有四大片。唔會烤到好乾，食裡面嘅餡料時，仲食到啲汁。我哋今次嗌既係芝士洋蔥烤餅，芝士好香🧀，未到要拉絲既程度，但一啲都唔差！由於今次嗌得太多野食，所以食唔晒，我就拎咗兩塊烤餅返屋企。第二日就用個平底鑊煎返佢嚟食，就算係再煮，個烤餅都仲係好好食💕！
芝士洋蔥烤餅
$25
34 瀏覽
0 讚好
0 留言
雜錦卡巴（羊肉拼雞肉）$58
呢個係我嘅必嗌食物，我最鍾意佢好方便，一隻手拎住食，另一隻手仲可以玩電話😂。食落去個餅皮其實同烤餅差唔多，只不過係薄啲。裏面有好多種唔同嘅蔬菜。如果大家唔食得辣嘅記得同佢講小辣，因為啲香料同辣汁真係辣架🥵。羊肉配雞肉，羊肉食落唔係好膻味，反而啲雞肉仲食到雞肉味🤤。
雜錦卡巴（羊肉拼雞肉）
$58
61 瀏覽
0 讚好
0 留言
咖喱羊肉 $62
羊肉份量都唔少，用嚟送飯一定夠。咖喱裡面仲有薯仔做配菜，樣樣野都煮到好淋，非常之入味。味道唔會話太辣，反而食得出用左好多香料，所以個咖喱好香，好有印度咖喱嘅特色😛。飯都好大碗😛。
咖喱羊肉
$62
43 瀏覽
0 讚好
0 留言
奶茶同平時我哋飲嘅港式奶茶唔同，佢係偏向奶味重啲嘅。
芒果乳酪 $20
對奶敏感既人千祈唔好試😂。佢係打碎啲芒果再加啲乳酪入去，好杰身，好好呼，又唔會太甜。🥰
埋單$208（無加一)
張貼
