順日本料理 (已結業)

成日搭車都會經過興發街，次次都會見到一個招牌，就係順日本料理，創業於1993年，年紀仲大過我，今日決定去試下佢！店員好好，介紹左幾個佢地既招牌菜，叫我地要試下。1.海老味噌拉麵 $118店員話係用好多蝦去熬製湯底，包個湯有香濃既蝦味同鮮味，食麵先飲湯，果然個湯真係好香蝦既味，係好濃郁既蝦湯，而大蝦亦都有3隻，麵亦好彈牙，整個配搭非常好。2.厚燒牛舌飯 $108如果食牛舌，強烈建議大家試下首先佢係厚切既牛舌，大家都個厚切既牛舌要燒得好食係好考師傅既功力，而佢呢個牛舌飯燒得岩岩好，調味適中，有牛香之餘仲非常「林」滑，牛舌足足有5大舊，而且套餐仲有湯同沙律，十分抵食。3.壽喜鍋 $100又係足料之選，鐘意食牛既點能夠錯過壽喜燒鍋，鍋入面有牛，菜，金菇，粉絲等配料，而且味道亦都岩岩好，好多時有啲餐廳會整得偏甜，但呢度就岩岩好，而且牛肉無過熟，粉絲都吸晒湯既精華，出色！