馬辣台式鴛鴦火鍋 (創興廣場)

營業中

休息中

創興廣場呢一間馬辣打邊爐店，我已經食咗好幾次，真心覺得佢嘅價錢好抵食！佢每位佢平日晏晝每位淨係一百幾就已經有得食，有得任食鴛鴦火鍋，性價比高。而裏邊會有唔同嘅丸類，牛肉，豬肉，海蝦，蜆等等嘅菜式，真係選擇好多，飲品甜品非常齊全！食完主食之後，仲有得任飲飲品同埋任食甜品！飲品方面除咗普通罐裝汽水之外，亦都會有啤酒，豆漿，即沖嘅咖啡同茶等等。而且佢裝修都好有心思，喺出邊中央拎嘢食嗰個位度，佢係會用一架巴士去裝，真係好得意！而入邊嘅位置都幾大，夠闊落，都舒服。而且近地鐵站，好方便。