影片
更多
2017-01-27
401 瀏覽
今日去左搵住系大坑既朋友， 晚餐既地點當然係由佢揀啦～ 其實本來聽到係話印度餐廳既時候真係o 左咀，因為我本身對印度菜一般，不過見朋友話：「信我，真係好味！」咁樣我就唯有試下啦。。。不過到最後我真係對呢間印度餐廳絕對改觀！係我地叫完嘢食之後，佢哋比咗個前菜我地食（真係俾我地食係請俾我地食），佢個樣似一個粟米筒咁，我唔知係實際其實係用啲咩整嘅，不過我淨係知道佢叫Pappar! 另外，佢地仲會比四款醬汁你跟Pappar食，綠色既係咖哩，紅色既係蕃茄，青色既係薄荷，最後嗰個係黑色但係唔知係咩黎嘅，味道走酸酸甜甜，有啲似山楂味！我叫左個無骨燒雞，應該係因為印度菜既關係， 所以落既香料比較多，所以反而對於重口味既我黎講覺得唔錯，而且雞肉又唔「鞋」另外，再叫左個小食同飯，分別係雜菜咖喱角同埋羊肉咖喱角，其實當時佢一上菜嘅時候我係完全分唔到邊一個係羊肉邊個係雜菜，不過世界食吓開始發覺應該係大啲嗰個係雜菜，細少少嗰個係羊肉！而我比較推介食羊係因為我覺得比較特別啲，同埋好味好多，所以如果唔係素食者。。我都唔係好建議食材嗰個再加上我唔係好鍾意食菜嘅人所以絕對係揀羊嘅最後，見仲未好飽所以就再叫多個飯同朋友一
係我地叫完嘢食之後，佢哋比咗個前菜我地食（真係俾我地食係請俾我地食），佢個樣似一個粟米筒咁，我唔知係實際其實係用啲咩整嘅，不過我淨係知道佢叫Pappar! 另外，佢地仲會比四款醬汁你跟Pappar食，綠色既係咖哩，紅色既係蕃茄，青色既係薄荷，最後嗰個係黑色但係唔知係咩黎嘅，味道走酸酸甜甜，有啲似山楂味！
我叫左個無骨燒雞，應該係因為印度菜既關係， 所以落既香料比較多，所以反而對於重口味既我黎講覺得唔錯，而且雞肉又唔「鞋」
另外，再叫左個小食同飯，分別係雜菜咖喱角同埋羊肉咖喱角，其實當時佢一上菜嘅時候我係完全分唔到邊一個係羊肉邊個係雜菜，不過世界食吓開始發覺應該係大啲嗰個係雜菜，細少少嗰個係羊肉！而我比較推介食羊係因為我覺得比較特別啲，同埋好味好多，所以如果唔係素食者。。我都唔係好建議食材嗰個再加上我唔係好鍾意食菜嘅人所以絕對係揀羊嘅
最後，見仲未好飽所以就再叫多個飯同朋友一齊食，不過當個飯嚟嘅時候我真係呆左，因為個飯真係好細份，絕對係一人份量，不過對於已經七成飽到我地來講係OK嘅又唔會太多，所以我哋食得晒～唔知係佢哋用嗰啲係咪叫做印度米，隻米係好長好瘦嘅，由於米比較軟身所以加上香料同海鮮就好入味， 不過連辣椒都入埋所以有啲辣（後悔冇叫小辣）
張貼
