影片
更多
2022-12-18
43 瀏覽
Mikiki 最近開咗幾間新食肆，之前幫襯過 1 樓嗰間韓燒，今日 Lunch time 就嚟試下呢間「Red Object 蕃茄仔」。餐廳位於 LG 層，店內面積不大，但環境唔錯，裝潢新派，地方乾淨企理，加上座位編排得不算密麻，所以都坐得好舒服。點咗牛魔王稻庭烏冬 ($102)、輕烤厚鰻刀削麵 ($90)，另外再加咗 2 款餃子同飲品。先試下個烏冬，舀起一匙蕃茄湯看看，湯內盡是幼細嘅茄蓉，質感非常濃稠，入口酸甜有致，能嚐到蔬果嘅清甜，味道夠晒天然，絕對係真材實料。牛魔王有安格斯牛肩胛同澳洲和牛𦟌，牛肩胛肉質軟嫩，牛味濃郁；而牛𦟌亦鬆化富肉香，有入口即溶嘅感覺。烏冬薄而幼身，食落軟滑可口，掛湯力一流！ 另外碗鰻魚麵亦很有驚喜，鰻魚燒得好香口，肉厚肥美，而且魚油味都幾突出，加上足足有 2 大塊，份量不少，配煙韌彈牙嘅刀削麵吃，十分美味。小食選了媽媽招牌手工餃 ($24) 同 Mini 日式煎餃子 ($32)。手工餃用料十足，內有大量紫菜和木耳，配上新鮮豬肉，倍添鮮味。另外呢碟日式餃子，食味亦不俗，煎得非常香口，外皮煙韌，粒粒飽滿，餡料隱約透出，蘸酸甜嘅餃子汁吃，味道更佳。至於飲品就點咗清
Mikiki 最近開咗幾間新食肆，之前幫襯過 1 樓嗰間韓燒，今日 Lunch time 就嚟試下呢間「Red Object 蕃茄仔」。
餐廳位於 LG 層，店內面積不大，但環境唔錯，裝潢新派，地方乾淨企理，加上座位編排得不算密麻，所以都坐得好舒服。
點咗牛魔王稻庭烏冬 ($102)、輕烤厚鰻刀削麵 ($90)，另外再加咗 2 款餃子同飲品。
先試下個烏冬，舀起一匙蕃茄湯看看，湯內盡是幼細嘅茄蓉，質感非常濃稠，入口酸甜有致，能嚐到蔬果嘅清甜，味道夠晒天然，絕對係真材實料。
牛魔王有安格斯牛肩胛同澳洲和牛𦟌，牛肩胛肉質軟嫩，牛味濃郁；而牛𦟌亦鬆化富肉香，有入口即溶嘅感覺。烏冬薄而幼身，食落軟滑可口，掛湯力一流！ 
另外碗鰻魚麵亦很有驚喜，鰻魚燒得好香口，肉厚肥美，而且魚油味都幾突出，加上足足有 2 大塊，份量不少，配煙韌彈牙嘅刀削麵吃，十分美味。
小食選了媽媽招牌手工餃 ($24) 同 Mini 日式煎餃子 ($32)。手工餃用料十足，內有大量紫菜和木耳，配上新鮮豬肉，倍添鮮味。
另外呢碟日式餃子，食味亦不俗，煎得非常香口，外皮煙韌，粒粒飽滿，餡料隱約透出，蘸酸甜嘅餃子汁吃，味道更佳。
至於飲品就點咗清漉奶茶 ($28) 同 有氣血橙橙汁 ($22)。絲襪奶茶外觀簡約又有氣質，味道亦甚具冰室水準，入口帶一絲絲茶香，好啱我口味👍
張貼
