新南苑私房菜火鍋鷄煲 (海德中心) (已結業)

天氣開始轉涼，最岩就係去打邊爐食雞煲。之前去過新南苑旺角分店食蒸氣火鍋已經好懷念，見灣仔原來都開左新分店，有雞煲食，有得打邊爐外，海鮮仲可以選擇燒，所以同屋企人專程去新開既灣仔分店打邊爐。環境裝修好特別，校園風格，有校長室、體育室、家政室等等。而我地坐出面既應該係禮堂🤔😝。我地叫左半自助海鮮火鍋，雞煲火鍋配料任食，飲品任飲，而海鮮會已人數安排份量 約7-8款海鮮。仲有餐前小食。烤牛串肉質鮮嫩又多汁，絕不乾身，但味道遍咸左小小，加入左麻辣，食完嘴麻脾左🤣好過癮！首先上小辣雞煲，小辣辣度岩岩好，唔會太辣嘴食落惹味過癮。雞肉好滑好嫰。連平時唔好雞煲既爸爸都大讚🙌🏻待應會細心教我地每2分鐘煮一煮，煮6分鐘左右就可以起動，等雞熟啦才加油炸鬼，但我地認為油炸鬼最遲放唔夠入味，4分鐘時放落去焗一焗應該係最perfect👍🏻食海鮮，當然叫返個新鮮蟹花甲海鮮湯底，材料十分豐富，成隻蟹放入去煮個湯底。仲有精心打造既熊仔南瓜紅蘿蔔溶😍好靚！隻蟹真係好新鮮，好甜，加上蕃茄成個湯底變得鮮甜香。正👍🏻👍🏻之後主角海鮮登場- 海鮮拼盤 今日有鮮蝦、鮑魚、海參、花甲、龍躉、脆肉鯇、龍蝦😍😍種類多，份量足，海鮮夠新鮮。