影片
更多
2023-01-08
57 瀏覽
🥰濟州燒肉食堂 @jeju_bulgogi 相信大家呢個冬天都食咗好多日式「烚吓烚吓」啦！係時候食返啲燒肉啦，唔知道大家掛唔掛住韓國燒肉呢我就好掛住啦，所以今次就帶大家去北角食一次正宗韓燒啦！。豪快黑毛和牛外羣肉。大蔥切牛舌 (鹽燒)首先，重點講吓呢度嘅牛肉先，今次我哋就嗌咗牛舌同埋和牛，兩樣都非常正！講吓我最鍾意和牛先啦，佢嘅油脂非常香，咬落去好似要溶咗咁樣，真係好啱我口味，我最愛就係呢一種「入口即溶」嘅口感，加上佢嘅腌料做得非常之好，牛肉都好入味，真係very good！牛舌都做得好好㗎，同牛小排唔同呢個會比較有咬口，牛味亦都相當重，反而今次係享受佢嘅肉汁而非佢嘅油脂。。濟洲豪快黑毛豬五花肉除咗牛之外，大家食韓燒，當然要嗌豬肉啦，今次我哋就試咗佢嘅招牌豬五花！呢個係黑毛豬嚟㗎！大家千祈唔好錯過，超級大塊大過我塊面，有男人手臂咁長！燒熟左之後斬開細細塊真係好好味！推薦大家可以加少少辣醬，會有一番唔同嘅風味。佢嘅肉同埋脂肪都分部得好平均，嗯唔會太肥或者太柴皮，簡直係啱啱好。。豪快蘋果醬油雞腿另外，我哋仲嗌咗個雞髀，呢個雞髀夠晒特別啊，竟然係成隻雞髀！佢已經幫我哋拆咗少少骨，等我哋食嘅時
濟州燒肉食堂 @jeju_bulgogi
相信大家呢個冬天都食咗好多日式「烚吓烚吓」啦！係時候食返啲燒肉啦，唔知道大家掛唔掛住韓國燒肉呢我就好掛住啦，所以今次就帶大家去北角食一次正宗韓燒啦！
。豪快黑毛和牛外羣肉
。大蔥切牛舌 (鹽燒)
首先，重點講吓呢度嘅牛肉先，今次我哋就嗌咗牛舌同埋和牛，兩樣都非常正！講吓我最鍾意和牛先啦，佢嘅油脂非常香，咬落去好似要溶咗咁樣，真係好啱我口味，我最愛就係呢一種「入口即溶」嘅口感，加上佢嘅腌料做得非常之好，牛肉都好入味，真係very good！牛舌都做得好好㗎，同牛小排唔同呢個會比較有咬口，牛味亦都相當重，反而今次係享受佢嘅肉汁而非佢嘅油脂。
。濟洲豪快黑毛豬五花肉
除咗牛之外，大家食韓燒，當然要嗌豬肉啦，今次我哋就試咗佢嘅招牌豬五花！呢個係黑毛豬嚟㗎！大家千祈唔好錯過，超級大塊大過我塊面，有男人手臂咁長！燒熟左之後斬開細細塊真係好好味！推薦大家可以加少少辣醬，會有一番唔同嘅風味。佢嘅肉同埋脂肪都分部得好平均，嗯唔會太肥或者太柴皮，簡直係啱啱好。
。豪快蘋果醬油雞腿
另外，我哋仲嗌咗個雞髀，呢個雞髀夠晒特別啊，竟然係成隻雞髀！佢已經幫我哋拆咗少少骨，等我哋食嘅時候容易啲，真係非常貼心。個人覺得呢度嘅雞髀都腌得好好味，除咗有雞原本嘅味道之外，仲多咗一啲香料味，令人食唔停口！燒完之後，就雞皮非常香脆，再加埋鮮嫩嘅雞肉，Perfect match！
。芝士帶子
之後就梗係要講下海鮮，我覺得呢度嘅蒜蓉芝士帶子真係好值得一試！佢係成兜都係帶子嚟㗎，完全冇呃你㗎！啲帶子又大又肥，配埋我最鍾意嘅蒜！如果唔係我唔小心整得老咗，一定會仲好味！
。每日新鮮鰻魚(半份)
重頭戲嚟啦，唔知大家有冇燒過鰻魚？呢度大家就可以體驗吓將成條鰻魚放上去慢慢燒嘅樂趣，平時喺日本名古屋食開鰻魚飯就多啦，今次終於可以試吓自己親手整「蒲燒鰻魚飯」好興奮！佢仲有埋傳統鰻魚醬汁俾大家調味，唔使驚整得唔好食㗎！我本身認為自己廚藝不佳，點知道用呢個lo都可以整出香脆嘅魚皮，可以話去唔到食鰻魚飯，就快啲過嚟試吓自己親手燒鰻魚啦！
請問方便我哋嗌咗濟州特飲同埋荔枝梳打，兩杯都好高質素，唔會太甜，我個人最欣賞濟州特飲，下面好似有蜜糖，養生之餘又健康。荔枝梳打都唔執輸㗎！佢真係有大大粒荔枝係入邊㗎！梳打亦都好清新，好開胃！強烈推薦大家試吓！
濟州燒肉食堂 (北角)
北角渣華道123號北角匯2期2樓210號舖
#濟州燒肉食堂 #燒肉 #美食 #香港 #jejubulgogi #제주불고기
#九龍灣 #北角
張貼
