樂園魚旦專家

營業中

休息中

叫左一個崩沙腩河、一個牛丸魚餃米粉，同跟餐要左一份炸雲吞。所有食物都超正常水準，特別係個牛腩肥瘦適中同埋好軟腍，有入口即溶既感覺。同埋湯底都唔錯，食完冇覺得口乾，應該唔係雞精湯底。上菜上得都好快，除左個炸雲吞比較耐，係差唔多食曬之前先上到菜。不過整體黎講服務質素都好好，包括電話落單（尋日食既）、現場落單、同埋問佢炸雲吞佢地都幫左我跟單。仲有一個小建議係放啲紙巾係餐具格到，唔知係咪客人拎得太快，所以打開櫃筒唔見到有。最後都係要熱烈祝賀別府「光榮結業」！！描述太多就比人話抹黑架啦。簡單講，睇下有咩會令到一啲平時好日唔打評價既人出黎寫食評就知，有興趣自己望下🤪Anyways，衣家樂園開左，我要食番幾十次慶祝下🎊🎊