樂園魚旦專家

營業中

休息中

依間樂園有好多分店，難得喺屋企樓下有呢一間舖頭，梗係要去試吓啦。買咗碗魚蛋粉，潮州魚蛋彈牙爽口超級好味，忍唔住要嗌多一碗剩魚蛋夜晚加餸，辣椒醬更加係成碗麵嘅靈魂，可以買幾罌返屋企看門口，喺屋企長備既辣椒醬。

平時喺附近做嘢，今日喺樂園魚蛋食下午茶，佢嘅環境如果以粉麵店嚟講，算乾淨衛生地方光猛闊落，佢嘅下午茶好平$39有好多粉麵選擇，我就選擇食佢嘅牛腩河， $39送熱飲，我就加$4凍飲，牛腩份量非常多，以下午茶嚟講絕對夠飽，味道亦都唔錯，雖然牛腩比較瘦，但係炆得夠淋入味,唔會乾柴柴，辣椒油亦都幾香好辣，唔喺食得辣嘅建議落少少試吓先，佢杯奶茶其實都唔錯，喺杏花邨嚟講，真係唔錯嘅選擇

「樂園魚旦專家」分店近年越開越多，今日同屋企人嚟杏花新城購物，發現原來商場地下都開咗間，反正行到有啲攰，就一於入去坐低食碗麵先。由於已經過咗午市繁忙時間，店內食客不多，可以自行揀選座位。 點咗崩沙牛腩河 同 樂園四寶丸配粗麵。牛腩燜得啱啱好，筋膜連住少少肉，咬感十足，但食落又完全唔黏牙，軟腍味香。河粉呈半透明狀，幼細滑溜又唔糊口。四寶丸有招牌魚蛋、黃金魚片頭、肉丸同魚皮餃。魚蛋爽彈軟腍，魚味濃而不腥；魚餃厚身爽滑，而片頭亦鮮味十足，配微彈有嚼勁嘅粗麵吃，夠晒飽肚。+$8 嗌咗杯凍奶茶，原來冷熱同價，抵飲，+$11 仲有凍檸樂，冰涼微酸，解渴一流。

很喜歡吃他們的水餃拼墨魚丸麵。湯底夠味墨魚丸夠彈牙。而他們早餐有多樣化選擇又多著實不錯。但是服務員有些時候語氣感覺有啲奇怪。我說微信支付付款通常是服務員拿起機器掃描二維碼。或者可以說請把你的二維碼對準我的素描儀器。但是語氣掘到指住個掃描器叫我自己擺落去聽落實在不爽。佢嘅眼神係啤住你的樣子。沒有人想在享受美食嘅時候有咁嘅眼神與氣對待。我在杏花村由89年年尾住到而家從來未見過有那麼差的服務員。不會再有下次。

新開今日先幫襯！今晚就試！環境幾好！上菜也快！叫了四寶丸麵，樣樣有d，魚旦係正！新鮮彈牙！$54，好似貴左d，加$8配凍檸茶（少冰)！加$15配個炸瑕餅也滋味！

趕到杏花邨附近返學，想簡單食碗飽肚嘅粉麵，見到呢間就坐入去，職員們都親切有禮，不像一般茶餐廳。點了一碗雲吞麵，覺得有家的味道，但又有彈牙的雲吞是家裡未必製作到的。夾落熱熱地都覺得好味！麵身係爽同彈牙，有咬口，感覺意外地好好味🤤估唔到喺商場嘅粉麵都有呢個質素！雲吞係好味又大粒！豆漿係原支裝，配合起來係好味的！趕住返學嘅日子中，食到呢間餐廳都是不錯的呀！平日也可以食早餐！對於杏花邨居民嚟講應該都是方便的餐廳！原來仲有好多間分店呀，連我屋企附近都有！可以都去食番呢種味道😆仲有其他粉麵可以選擇🧡望住餐廳嘅招牌，雖然是自己一人用餐，但有呢碗雲吞麵，應該捱過呢段日子之後，就會有比較好的生活吧！這間餐廳，值得推介！

樂園愈開愈多分店，原來在杏花新城也開了分店，除了爽口彈牙的魚蛋，牛腩也相當出色。《四寶丸河》$52四寶有魚蛋、魚片頭、豬肉丸及魚皮餃等四種食物，湯底清淡，不會過鹹，如果能吃辣，可以加2滴辣油，更加惹味。樂園一向以魚蛋聞名，是潮州魚蛋，彈牙而不過分軟爛，帶有微微的魚香，果然是招牌菜。《牛三寶河》$62牛三寶有牛筋、牛肚和牛腩，三種食物各自展現出不同的口感。牛筋煮得非常軟爛，入口即化，牛肚的質地略帶嚼勁，牛腩則是嫩而不柴，而且很入味，配搭濃郁的湯底和辣椒油，非常惹味。《凍檸水》 +$8《凍奶茶》+$8

杏花「樂園」環境光猛,座位比較迫,平日客量不算多還可以,尚算舒服,服務員工作勤快,態度亦友善,厨房起菜亦快,整體好有效率!食物方面,叫左牛腩麵$39+$8凍檸茶,麵底份量正常,牛腩稍為偏肥,凍茶略嫌細杯,唔想食得太飽都係一個不錯嘅選擇!

樂園是很久以前在旺角的一間出名的牛丸粉麵店，那時座位不太舒適。子承父業大肆革新，店的裝修新潮、乾淨又座位舒適。下午茶餐送飲品，叫了熱奶茶，茶底很清新很對辦，奶茶濃厚又夠熟，有油脂留在杯上，是一杯合格的港式熱奶茶，夠順滑，正！河粉條條分明爽滑，魚蛋彈牙又有魚味，加辣椒油提升了魚湯的味道，稍嫌有少少味精。魚蛋河俾八十五分。

剛剛去買咗一碗魚皮餃魚蛋粉雙拼，魚蛋粉係$36魚皮餃係$39，外賣加一蚊。雙拼加$10。佢用貴啲嘅價錢再加$10雙拼，所以碗粉係$50。嗰碗粉大約1分鐘已經攞到出嚟。，非常神速，我見到個碗咁細，心裏面已經覺得真係蠢咗睇都知唔慌食得飽。輕飄飄嘅碗粉。我俾錢嗰一刻都有啲猶豫，但係因為我想兩餸都食，亦都認為加咗$10之後餸嘅份量係會合服比例地增多咗。結果就是如圖，三粒魚蛋三粒魚皮餃，就已經$50。佢原本$36一碗魚蛋粉應該係有三粒魚蛋兩塊魚片。即係話我而家比多$10只係換取多一件配料。我5分鐘返到屋企嗰碗啲湯已經差不多吸晒。成碗粉的味道非常淡，魚蛋味道就是像街市買到的一餅魚蛋，比較硬身。魚皮餃比較鬆散肉比較少，全部都是如圖畫一樣，你們看到的就是剛買返嚟的樣子。這樣收$50大家覺得抵唔抵，見仁見智。我就一定唔會再幫襯佢所有嘅連鎖分店。

收工唔知食咩好，就試下呢間唔係開咗好耐嘅粉麵店🍜牛腩湯河粉 $39牛腩淋得嚟有咬口，有大概6 舊，而且冇肥膏，河粉份量都幾多，多過平時出面食嘅一半，湯底就加咗腩汁，所以更惹味🤤以唔洗$40 嚟講，我覺得性價比幾高👍🏻韭菜餃湯河粉 $36佢嘅韭菜餃雖然一碗得3 粒，但每一粒都好大好足料，個皮好薄，就咁都睇到入面啲陷就嚟爆出嚟嘅感覺💥湯底係清湯，冇牛腩汁咁濃味，不過因為韭菜餃本身都比較濃味，所以我覺得啱啱好，如果鍾意食腩汁嘅，我建議都係叫返佢哋嘅招牌牛腩😗麵底依然係勁大兜，$36 已經食到好飽😮油菜 - 生菜 $13所有粉麵加$13 都可以加配小食一款，我哋就好健康咁叫咗碟生菜，油菜係就咁烚，再配以蠔油，餐廳仲有菜心、芥蘭可以揀，係一人份量，自己一個食都唔怕食唔哂😋炸韭菜餃(小) $13第2款加配嘅小食，我哋揀咗炸韭菜餃，韭菜湯餃就成日食，炸嘅真係第一次試🥰炸得勁香口同脆，真係即叫日炸，側邊仲放咗啲辣醬，點完食仲惹味🤩.炸魚皮 $18我哋仲叫咗炸魚皮，不過掛住食唔記得咗影相😂魚皮炸得好脆，同埋份量好多，浸落湯度食，正🤓.我哋2 個人叫咗2 碗麵加多3 個小食，勁豐富都係每人$60 ，真係超

今天有事要辦，要去了杏花村附近。 杏花村商場真的久違了所以約了住在這裡的朋友去行街、shopping和食飯。早前有人話樂園魚旦專家最近落杏花花新城，咁就一於去食啦! 餐廳位於盛泰道100號杏花新城地下G49號舖，港鐵杏花邨站出口,步行約2分鐘就到，十分方便。 餐廳門口光亮，以開放式設計， 內裏裝修簡約，非常整潔和光線充足 。檯椅的擺設整齊寬敞，坐得舒服。 餐牌內的食物選擇食都多，主打傳統招牌的粉麵；亦飯類供應。 最貼心還可以特價加配小食和飲品! 今日唔揀他們馳名的牛三寶和牛雜的招牌菜，試下其他有特色的粉麵。 *樂園四寶丸河粉一大碗，真係份量十足! 四寶丸：有魚旦、炸魚角、豬肉丸和魚皮餃。湯底的味道鮮甜，不會好鹹和味精味重，配湯粉麵最夾。 魚旦爽口彈牙有魚的濃味，果然是魚旦專家! 炸魚角依香口有魚味；豬肉丸很有鮮肉味和有咬口，好食。 魚皮餃很鮮味和皮很煙韌! 河粉不會太淋，配四寶丸最好吃了。 *金牌豬手配鮮蝦雲吞幼麵豬手炆得很淋滑和入味，骨膠源豐富：有兩大件! 雲吞大大粒，鮮蝦爽口鮮甜，好正! 麵質淥得剛好，加上炆豬手的醬汁，真的有驚喜，很搭配! *加配飲品 (冷熱都是加$8)熱奶茶

真係有啲懷疑人生？係我孤陋寡聞？係我沒有與時並進？係咪只有我覺得有問題？今日係年初二，見工人姐姐放假，就諗住試吓樂園嘅牛雜。時間關係，先打電話去食肆落單，然後外賣自取。當去到取外賣嘅時間，就見到單據上係個外賣嘅價錢$129另加一服務費$12.9，共$142。當時見到加一服務費，就問職員，呢個係咪因為新年嘅額外附加費？因為如果係因為年初二嘅關係，加一，加二，甚至加三都可以理解，心甘命抵，但奇怪事就發生啦。職員回答：「唔係，一向外賣都係有收加一服務費。」我即時愕咗然。就問：「我係外賣喎，唔係堂食，何來加一服務費？何來有服務呢？」職員再理直氣壯地回應：「我哋一向都係有加一嘅。」真係100,000 個黑人問號？？？？？之前屋企人晏晝去買外賣，都係沒有加一服務費的。而一向去其他餐廳通常只係有外賣九折，即使沒有九折，人生幾廿年都真係未試過話因為外賣有加一服務費。點解？點解？點解??????????????????????????????朋友問我點解唔即時退單？但我心諗，算啦，新年流流，無謂人哋整咗外賣又唔要，但係真係100,000個為什麼？初二，難忘！至於味道，真心，試一次可以，但可以選擇的，會揀

叫左一個崩沙腩河、一個牛丸魚餃米粉，同跟餐要左一份炸雲吞。所有食物都超正常水準，特別係個牛腩肥瘦適中同埋好軟腍，有入口即溶既感覺。同埋湯底都唔錯，食完冇覺得口乾，應該唔係雞精湯底。上菜上得都好快，除左個炸雲吞比較耐，係差唔多食曬之前先上到菜。不過整體黎講服務質素都好好，包括電話落單（尋日食既）、現場落單、同埋問佢炸雲吞佢地都幫左我跟單。仲有一個小建議係放啲紙巾係餐具格到，唔知係咪客人拎得太快，所以打開櫃筒唔見到有。最後都係要熱烈祝賀別府「光榮結業」！！描述太多就比人話抹黑架啦。簡單講，睇下有咩會令到一啲平時好日唔打評價既人出黎寫食評就知，有興趣自己望下🤪Anyways，衣家樂園開左，我要食番幾十次慶祝下🎊🎊

今日我去外賣牛三寶，所有都淋，但係好細份，再加有好多毛，牛根上超多毛，我諗唔會有下次，我見咁多人仲以為好吃，點知好失望，但姨姨態度都幾好，肯同我換可樂。吃完肚痛完。