蟹點

營業中

休息中

今日公司有event係海洋公園，順便去左睇熊貓，真係好得意啊！之後就同一個比較要好嘅同事食dinner，同事本來都住南區，所以我叫佢推介有邊間有特色又好食，同事話去海怡半島站附近嘅蟹點，我當然就跟著去啦! 一來到首先見到嘅就係個自設魚缸，裡面好多不同種類嘅新鮮海鮮，呢到都有戶外座位，感覺有d似高檔大排檔，一行入室內就覺得好有氣氛，亦都聞到廚房嗰邊好有鑊氣，冬天呢個天氣坐外面都幾舒服，幾有feel，不過我哋今日就決定咗坐室內。menu都有好多選擇，呢度更加可以帶自來海鮮，有大眾點評優惠券可以買團年盆菜，不過我哋今日就試咗幾樣日式菜都覺得好正！ 嚟得呢度，就梗係要叫最出名嘅蟹啦，最尾決定咗要薑蔥炒蟹，真係超大隻又新鮮，啖啖肉，食得好過癮，炒得好有鑊氣，薑蔥均勻咁樣喺成隻蟹度都沾滿醬汁，但係唔會覺得肥膩，蟹肉亦都相當鮮甜！ 另外趁住天氣凍，梗係要飲番啲湯水啦，所以就叫咗一個杏汁燉白肺湯，飲落去覺得好養生，白肺湯完全冇奇怪嘅味道，反而有一種淡淡嘅杏仁香味。 菜就叫咗一個乾逼欖菜肉鬆四季豆，真係好惹味，濃得來又唔會過鹹，完全唔係平時餐廳死鹹嗰種味道。