金公館 (彩明商場) (已搬遷) 新店位置

知道屋企附近開咗金公館當然要帶屋企人去食，環境舒適座位闊落。食物選擇有好多，價錢亦合理，午市仲有點心 。北京填鴨一定要食，我哋一家三口點咗半隻， 皮脆肉厚， 配埋薄餅、配料，再沾上醬汁，正。另外一定要食酸菜魚，暫時是我食過最好食的。用咗肉厚肉潤的桂花魚， 湯料非常豐富，有粉皮、萵筍等， 香辣又惹味，用嚟送飯一流。鹹蛋黃蝦非常邪惡，大大隻蝦新鮮彈牙， 外面沾滿鹹蛋黃，非常惹味。當然要點個炒菜中和下，炒菜心都幾大碟最後一人一碗椰汁西米露， 非常滿足。