囍囍 川菜烤魚燒烤

營業中

休息中

{囍囍川菜烤魚 - $414}有時睇返啲舊post 發現本麻甩都幾鐘意食川菜，除咗因為重口味帶嚟嘅刺激感，仲係因為佢地都大大份一定夠飽！今日又幾friend 子一齊食烤魚！睇到間舖頭原來係下晝五點開工，會開到凌晨五點，川菜都可以食到凌晨四點，係真正嘅夜繽紛！♦️ 香辣烤鱸魚其實一入間店就知道呢間嘢唔錯，味道係呃唔到人嘅，惹味嘅烤魚味一嘢已經全日本麻甩嘅鼻！呢度有幾款魚揀，我哋就揀咗中價位嘅海鱸魚！肉質係結實，但係唔會柴！當然仲有唔同嘅辣度講啦，不過對於我黎講大辣是必須的！真心令人回味窮！♦️豉椒炒花甲食嘢未嘅川菜，當然係一不離二，呢個豉椒炒花甲都係相當足料，花甲嘅份量唔少，繼續都係惹味，豉椒嘅香味竟然就算我哋食住重口味嘅烤魚都能夠獨立綻放！最緊要係唔會炒到啲花甲肉甩晒出嚟，熟度剛剛好！正！♦️青椒皮蛋食食吓我哋見到隔黎枱叫咗一碟皮蛋，外貌超級吸引，晶瑩剔透嘅蛋白，加埋去糖心嘅蛋黃，實在令人無法忍手，我哋兩個麻甩叫足兩碟，酸酸辣辣，真係差啲令我地叫多一碟😂美味程度：😋😋😋😋😋環境指數：🎇🎇🎇🎇番食機會：🦍🦍🦍🦍📍 #囍囍川菜烤魚燒烤 (旺角)旺角砵蘭街180號地下A號舖