hoo韓國包車

營業中

休息中

今日放假又約咗朋友出尖沙咀行街食飯，今日朋友想食韓國嘢，即刻上openrice搜尋下見到附近有間韓式餐廳都幾吸引。hoo 韓國包車 ，地址喺尖沙咀厚福街12號南華商業大廈22樓。上到去餐廳裝修佈置好有氣氛，感覺好似去咗韓國宵夜檔一樣。招牌炒章魚 146元，章魚份量勁多炒到啱啱好邊位有少少焦香，食落去口感爽口彈牙，配上韓式嘅醬汁辣椒，令到章魚嘅鮮味提升。小食拼盤 128元，炸紫菜粉絲卷，外面炸到好酥脆，入面紫菜包住粉絲外脆內軟，口感煙煙韌韌。炸薯條，炸到金黃色又香又脆。芝士條，芝士味濃鬱一食落去有拉絲口感，配上沙律醬味道係最夾。芝士炒年糕 86元，芝士味道香濃，炒年糕口感煙韌，芝士有小小焦香一令到味道嘅層次更加豐富。韓式炸餃子 68元，炸餃子炸到外皮香脆，皮薄餡靚，配上韓式醬汁令到油膩感減低，食落去特別香口。Terra 枝裝啤酒 48元，飲返支韓式啤酒，冰涼暢快。