麻辣派對 (金百利廣場) (已結業)

最近女朋友成日喺度話想食酸辣粉，為咗塞住佢把口，我就特登搵咗呢間同佢一齊食。≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣只不過我同佢都食唔到好辣，所以就冇嗌到水煮魚嗰啲，嗌咗其他嘢食。我哋嗌咗咕嚕肉，口水雞，兩碗酸辣粉。本身對於呢一間嘅咕嚕肉嘅期望唔係太高，因為佢主要食麻辣嘢。但呢度嘅咕嚕肉幾好食，好脆，幾有驚喜。呢度有樣好嘅嘢係有得揀辣度，口水雞同酸辣粉我哋都嗌咗小辣，連唔係好食到辣嘅我哋都接受到。口水雞嘅份量都唔少，同埋肉質都嫩滑，幾抵食。佢哋嘅酸辣粉好好食，真係做到又酸又辣，好正。絕對唔係好似出面嗰啲酸辣粉咁得個辣字，淡茂茂咁樣。個碗雖然好大，但份量唔算好多。如果可以再多返少少咁就好喇。而水果茶真係幾足料，又清爽，夏天飲真係一流。≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣如果下次女朋友再話想食酸辣粉嘅時候，我都會想再帶佢嚟呢度食。