影片
更多
2017-04-04
542 瀏覽
今日完成拍攝之後，一行三人順便到附近的海光街搵食，一早知呢度有間米芝蓮印度菜，但次次黎都無食，今次一於就揀佢!! 餐廳係個商場入面，並唔係街鋪，所以一開始既時候唔係太搵到，不過行行都見到有招牌指示，所以都比想像中易搵。6點到埗，餐廳應該係剛剛開始做晚市，唔見有其他人，基本上就係得我地一枱客同埋做外賣生意，不過6點半開始就愈來愈多人，估唔到間鋪咁僻都幾多人知，有d係香港人，都有d係佢地既印度同鄉。野食黎講價錢合理，一般食印度菜都係咁上下價位。又係好好味既免費前菜薄荷餅，入口脆卜卜，加埋少少薄荷醬就更好味。老闆熱情推薦咖喱角，3個都係大大粒，即叫即炸夠新鮮，厚脆外層包住濃香咖哩蔬菜內餡，一啖咬落又脆又綿，非常好食。我個杯係芒果奶昔，酸酸味味好開胃，每次食印度菜都一定會點，配咖哩無得輸。之後點左幾個咖哩，都已經唔係太記得邊個，但最好味係綠色果個雜菜咖哩，打碎哂既菜MIX埋唔辣既咖哩，用烤餅沾住黎食好夾。其實咖哩都唔一定辣，仲有好多選擇，所以唔食辣既朋友都可以黎試下。最後黎一個羊脾，好食到連我唔食羊都食左兩件，入口唔知點解似豬仔脾，完全唔覺得有任何羊羶味，而且肉質又嫩又香，雖然價錢貴少少，但一
6點到埗，餐廳應該係剛剛開始做晚市，唔見有其他人，基本上就係得我地一枱客同埋做外賣生意，不過6點半開始就愈來愈多人，估唔到間鋪咁僻都幾多人知，有d係香港人，都有d係佢地既印度同鄉。
野食黎講價錢合理，一般食印度菜都係咁上下價位。
又係好好味既免費前菜薄荷餅，入口脆卜卜，加埋少少薄荷醬就更好味。
老闆熱情推薦咖喱角，3個都係大大粒，即叫即炸夠新鮮，厚脆外層包住濃香咖哩蔬菜內餡，一啖咬落又脆又綿，非常好食。
我個杯係芒果奶昔，酸酸味味好開胃，每次食印度菜都一定會點，配咖哩無得輸。
之後點左幾個咖哩，都已經唔係太記得邊個，但最好味係綠色果個雜菜咖哩，打碎哂既菜MIX埋唔辣既咖哩，用烤餅沾住黎食好夾。其實咖哩都唔一定辣，仲有好多選擇，所以唔食辣既朋友都可以黎試下。
最後黎一個羊脾，好食到連我唔食羊都食左兩件，入口唔知點解似豬仔脾，完全唔覺得有任何羊羶味，而且肉質又嫩又香，雖然價錢貴少少，但一定要試。
張貼
