犇殿台灣火鍋 (德福廣場1期)

營業中

休息中

第一次食呢間自助火鍋🍲。平日都好多人食，幾乎全場爆滿。👩🏻食完覺得佢哋嘅牛肉特別高質，喺香港任食火鍋係數一數二。自助區有火鍋料、熟食、雪糕、仙草芋圓、飲品。熟食款式多同特別，連椒鹽粟米同台式烤腸都有。✨澳洲M9和牛·美濃牛肉晚餐 $398晚市1️⃣2️⃣0️⃣分鐘放題加送神仙牛肉、東港海鮮盤各一呢個套餐主打澳洲M9和牛。牛肉又嫩又重肉味，完全唔使蘸醬。任食牛嚟講好高質素。而且我哋encore出嘅肉都係一樣。其實唔差過只限一碟嘅神仙牛肉。東港海鮮盤包括鮑魚、帶子、蠔、蝦、蜆。蝦同蜆可以再喺QR code落單，其他就只限呢一盤。我哋叫咗🥛美白凝膚牛乳鍋。味道溫和清淡，對個胃冇咩負擔，而且淥菜淥肉都夾。大多數火鍋配料都喺自助區。要QR落單嘅食材我哋試咗✔️十三香滷三寶✖️墨魚滑✔️台式魚餃🔘福建燕餃✔️手工蛋餃最正係十三香滷三寶，有牛筋、豬腸、金錢肚。滷得夠入味，淥返熱就食得。食完想叫多兜🥰。但始終牛肉太高質，最想都係食多幾碟牛🥹。最後當然要留肚食甜品❤️。竟然有杯裝Movenpick同Dreyers。仲有仙草、芋圓任食。芋圓真心高質，仙草係涼粉口感😂。