影片
更多
2023-03-26
54 瀏覽
晚上去左呢間係尖沙咀【燒肉801】性價比超高，因為價錢相當便宜，而且肉質非常好，必食👍🏻組合點餐比較優惠，而且每個set入邊包含嘅嘢好多元化，總有一個會啱你口味！🔸801盛 $198有黑毛和牛肩胛肉、腹前牛小排、蔥鹽味雞腿肉！重點係個黑毛和牛肩胛肉，佢好大塊薄薄地，個醬汁係壽喜燒嘅味道，每邊燒10秒左右就OK，有附上生雞蛋🥚可以點雞蛋，令肉質更加嫩滑！另外腹前牛小排都好好食，因為入口即溶，不會話太硬身，好有牛的香味！另外有4塊雞腿肉，肉質都好嫩滑彈牙，符合雞腿肉的口感！🔸神盛 $168有特上牛胸腹肉、腹前牛小排、牛板腱肉！呢三款牛中特上牛胸腹肉最為嫩滑，相比其他它較薄身，薄薄一片也有入口即溶感覺！另外腹前牛小排係上面801盛都食過，相同產品！而牛板腱肉係最便宜的肉，但質素都唔差，都係好有牛香同口感！🔸牛舌盛 $98呢款牛舌盛包含五片鹽味及醬油味，我比較喜歡鹽味，因為更能帶出牛舌的香味，唔會太濃味搶晒鏡😂🔸黑毛豚無骨小排 $68食咗咁多牛都要食下豬，望落好似好肥，但估唔到咁好食，勁香豚肉味，食完想再食🤤🔸冷麵set +$38每一個套餐入邊都可以加錢有飯或者冷麵，我點咗個冷麵set，仲跟咗
組合點餐比較優惠，而且每個set入邊包含嘅嘢好多元化，總有一個會啱你口味！
🔸801盛 $198
有黑毛和牛肩胛肉、腹前牛小排、蔥鹽味雞腿肉！重點係個黑毛和牛肩胛肉，佢好大塊薄薄地，個醬汁係壽喜燒嘅味道，每邊燒10秒左右就OK，有附上生雞蛋🥚可以點雞蛋，令肉質更加嫩滑！
另外腹前牛小排都好好食，因為入口即溶，不會話太硬身，好有牛的香味！另外有4塊雞腿肉，肉質都好嫩滑彈牙，符合雞腿肉的口感！
🔸神盛 $168
有特上牛胸腹肉、腹前牛小排、牛板腱肉！
呢三款牛中特上牛胸腹肉最為嫩滑，相比其他它較薄身，薄薄一片也有入口即溶感覺！
另外腹前牛小排係上面801盛都食過，相同產品！
而牛板腱肉係最便宜的肉，但質素都唔差，都係好有牛香同口感！
🔸牛舌盛 $98
呢款牛舌盛包含五片鹽味及醬油味，我比較喜歡鹽味，因為更能帶出牛舌的香味，唔會太濃味搶晒鏡😂
🔸黑毛豚無骨小排 $68
食咗咁多牛都要食下豬，望落好似好肥，但估唔到咁好食，勁香豚肉味，食完想再食🤤
🔸冷麵set +$38
每一個套餐入邊都可以加錢有飯或者冷麵，我點咗個冷麵set，仲跟咗泡菜，個冷麵酸酸地凍凍地好開胃，值得一試！
店內環境好日本feel🇯🇵🇯🇵座位都係梳化位坐得好舒服！
呢餐共$600左右，咁多食物又好食真係好抵食！
張貼
