Lúa (已結業)

剛剛喺越南返嚟，估唔到香港有一間比越南更有特色嘅餐廳，露台位置布滿左燈籠，好有節日氣氛同越南嘅氣息。叫咗一款河內檬粉平盤(串燒肉丸粉絲包生菜)，另外仲有小南瓜炒牛肉，以及自選嘅小食拼盤。小食拼盤可以大約喺9款裏面揀三款，個別小食部份需要另外加錢，但基本就以$208為主，個蔗蝦好食，魚露都好鮮甜。拉椰糕呢一個甜品味道一流，你以為佢係好簡單嘅椰糕，但加上奶油以及腰果同埋玫瑰花片，我一個人基本上都可以食晒，甜到剛剛好，而且太好味啦。