Lúa (已結業)

之前經過幾次呢一間越式餐廳都比佢啲燈籠吸引住，今次就去試吓，仲特登坐出面可以同啲燈籠打吓卡😆🔸純魚扎肉法包(HK$98)法包幾香脆，入面有扎肉同埋蔬菜配料，一咬落去有幾種層次🔸香茅豬肉飯配特色蛋餅(HK$128)有醃咗味嘅香茅豬肉，蛋餅就幾特別入面有粉絲同埋肉碎，可以撈埋個太陽蛋咁樣食~🔸晚市套餐(HK$248)🔸豬肉春卷春卷炸到脆卜卜，味道都比較越式🔸蟹肉炒臘腸炒飯炒飯比平時食嘅偏濕，配料有切碎咗嘅臘腸同埋蟹肉🔸蒜蓉炒南瓜花南瓜花真係好少見，蒜蓉炒味道都幾濃🔸烏龍茶凍呢個茶凍烏龍味好勁，如果鍾意食茶味甜品嘅不妨試下🔸鮮芒芭菲(HK$98)冇諗過越式餐廳可以食到芭菲，每一層都有好多配料，包括寒天、麻糬、蜂蜜蛋糕、椰子奶蓋，最上仲有蝴蝶酥做裝飾點綴，好味又好睇☺️…查看更多

兩年前喺度食過 覺得佢個黃薑雞肉撈檬都幾好食 仲打包返屋企俾男朋友 兩年後今日經過見到佢lunch大概60至$80一個人 覺得不如再食多次啦點知今次勁難食 啲雞好似係白烚咁樣 黃薑汁完全冇味 要自己加執鞭嗰啲醬先勉強吞到 嗌多咗個牛肉撈檬 啲牛肉好韌 又肥最後我哋兩個都冇食晒嗰兩兜嘢 真係自己煮都好食過佢講起飲品就更加嬲 加咗$18叫咗鹹柑桔甘蔗汁 點知佢甘蔗係加咗糖 飲到最尾咬到一粒粒砂糖嗌咗越南特濃煉奶咖啡 佢冰同咖啡分開上好似好認真咁樣 結果差過茶餐廳啲冰融咗嘅咖啡總括嚟講成餐都好難食 以後都唔會再嚟…查看更多

街頭小食滋味拼盤 有齊豬肉春卷、雞翼、扎肉、香茅牛串等小食，一班朋友share就最岩！比較印象深刻嘅係香茅牛串，配上餐廳自製嘅咸蛋黃醬，令食落去多左蛋香味，口感比較豐富。而雞翼用魚露醃過，已經調咗味，炸出嚟唔會乾身幾好食。反而扎肉比較普通，雖然話有三款口味，但食落分別唔大。而豬肉春卷都係脆啲嘅話會更好。…查看更多

［因為一開始見到食物賣相唔差所以完全冇諗過會要相出post….］我同朋友兩個都諗住見到openrice d reviews咁好，去呢間實ok啦點知我地最錯就係過分相信openrice 坐低就每人嗌咗一個dinner set（每人加埋加一大概食咗$300）menu嘅圖賣相真係好好 甚至第一眼都覺得dinner set呢個價錢都算幾多野食… 點知真係質素差得誇張…d前菜其中一碟係明顯未熟嘅 但係我地問店員佢仲笑著話係咁㗎… 所以我地最後都係白白放棄咗食呢碟所謂嘅前菜… 然後以為米紙捲實唔會差得去邊啦 點知範覺就好似食緊deconstructed嘅幾樣材料咁，硬邦邦，0調味，連入面加錢點嘅軟殼蟹都硬同冇味…之後主菜係好d嘅 個pho至少唔太鹹，d牛都幾腍但係就切到細細塊… 另一個豬肉撈檬d豬肉炭燒到黑曬，d豬肉又係薄切，完全係好似自己去韓燒煮到過晒熟嘅豬腩肉咁（啊係 仲要係大部分都係肥膏…），真係食唔落口甜品應該係算整晚最無驚無險嘅環節，雖然斑蘭糕都有種隔夜嘅口感… 但係至少個雪糕冇乜大問題…呢餐飯食都最後真係想連甜品都放棄 寧願早d走好過浪費埋時間喺呢度… 唔明點解咁嘅質素 咁嘅價錢 仲要咁黑面嘅waiters openrice都可以有咁多好評… …查看更多

銅鑼灣出名多野食 俾Lua門口吸引到 非常有特色 充滿中國風 有哂竹傘做背景咁 遠睇以為會係好貴嘅高級餐廳 點知近睇佢lunch set都幾affordable 都算多野揀今次叫左生牛肉pho 伴碟會俾埋羅勒葉 芽菜 同青檸🍋‍🟩 唔夠可以再額外配小食 我見串燒都幾吸引 同埋試左個類似腸粉咁嘅小食 口感都幾得意 出面好少見 睇餐牌見到法包都好想試 不過今次就食唔到咁多野 Overall份量我覺得偏少 可能飯類會飽肚啲 叫個陣就自行衡量吓 …查看更多

連相都唔想影，一嚟到服務員服務態度差黑面，叫咗牛肉河，豬肉雞翼蛋飯，香茅檸檬雞翼，食物都是一般，不值這個價錢，三樣嘢要成四舊水，唔建議大家過嚟食，差差差😤😤😤😤😤😤…查看更多

一碟香茅豬肉飯 豬肉凍 飯又凍！味道完全無特別！唔好食唔緊要，凍就代表無誠意！你叮熱返佢都無咁嬲，仲要賣$128！憑咩呢？態度差，十張枱得一個收銀一個樓面，枱枱客上菜都等勁耐！價錢同質素不平等！放幾張枱係露台打下卡呃下人黎就可以，試過就一定唔會有下次！真心垃圾！P.s 其他小食質素都係好差，入座時枱上還有汁醬！…查看更多

銅鑼灣真係多野揀多野食既, 有時會想食D未食過既餐廳, 見到呢間未食過, 而且格局好似又幾特別咁就入左去試下啦, 坐低點餐, 因為見到又好似出面越式餐廳都有既食物, 見到黃薑雞撈檬未試過就點左.不過一食就覺得 黃薑雞 同撈檬好似格格不入, 或者好似食緊黃薑雞既米線咁既口感同味道.黃薑雞份量正常, 口感又無咩特別吸引之處, 只係有好多汁可以撈檬, 但食落去同食米線既感覺差唔多吧呢個價錢食呢個味道就真係有D失望了, 感覺完全唔值, 雖然環境同裝修係算唔錯, 不過食物就唔吸引了.…查看更多

平日中午時間諗住食lunch ，見外觀唔錯，有裝修，就入咗去。餐廳座位好多，但係以平日番工時間黎講，客人數量算少。叫左碗生牛雜錦湯河，我習慣加海鮮醬同辣醬，食完都覺得無味，而且扎肉太硬，湯底本身冇咩味，份量亦不足夠，性價比偏低，真係少失望。😣本身勁鍾意飲越南咖啡，於是叫咗杯越式滴漏咖啡，唔知係唔係啲咖啡粉浸得太耐，飲落除左覺得好好好苦，就係好酸，感受唔到咖啡香，完全冇嗰種越式咖啡嘅精髓，大感失望。…查看更多

每次經過Lúa，都會忍唔住望上去掛滿燈籠🏮嘅露台，成間餐廳嘅裝修都令人好似去咗會安古城一樣🏞️，好有越南風情🇻🇳。〰️🍽️ 香茅青檸葉煮鮮蜆(辣) | 💰198 🌟依個蜆一嚟到已經聞到好香嘅香茅同青檸葉味，入口清新得嚟又帶有少少辣同微酸，啲蜆全部都好新鮮，而且煮到啱啱好唔會老，仲要大大隻又無沙。 🍽️ 小食自選拼盤 | 💰296依個拼盤可以喺九款小食入面揀三至五款，每款都有兩件而價錢都係唔一樣。1️⃣ 即叫即製手工粉包 : 個皮薄得嚟但係煙韌，入面包住木耳碎、沙葛碎同碎豬肉，配埋上面嘅青瓜同炸乾蔥，加埋好似魚露嘅汁真係好好味2️⃣ 豬肉春卷 : 入面包住豬肉、白同紅蘿蔔仲有木耳，加埋酸酸哋汁味道係幾好，只可惜唔係即刻炸，個皮唔脆入面都唔熱3️⃣ 柑桔汁雞翼 : 雞翼好大隻，而且嫩滑有肉汁，不過食得出唔係即炸同已經放咗一陣，所以個皮食落好厚又唔脆4️⃣ 香茅牛串伴秘製鹹蛋黃醬 : 食落香料味好重，但係冇牛味，上面嘅鹹蛋黃醬入口亦都好似消失咗咁5️⃣ 甘蔗豬串 : 依個豬肉串食落係有肉汁同有豬肉味，蔗汁嘅甜味亦都好出 🍽️ 特選自拼撈檬 | 💰129烤牛扎肉嘅黑椒同香料味好出，食落有肉味，香茅豬肉係薄切，成碗餸嘅份量偏小，但係檬粉嘅質地彈牙，而且個撈檬汁酸酸甜甜好好食。 🍹鮮青檸沙冰 | 💰62🍹凍鮮熱情果梳打 | 💰52杯青檸沙冰係睇得出有加青檸皮，飲落酸酸甜甜幾消暑。另一杯熱情果梳打就係想像得到嘅味道。〰️❣️鍾意食辣嘅記得要追加免費嘅越南青辣椒片🌶️，加落任何嘢食都好過癮，不過千祈唔好一次放太多，因為依隻辣椒真係超級超級辣🔥❣️每張枱都已經有越南黑豆醬/甜辣醬/越南沙嗲醬🥫，仲可以免費追加湯粉嘅香料、青檸同自家制魚露🥣，絕對可以滿足每個人嘅口味😋❣️嘢食都算正宗越南味✅，不過今次無試到湯粉同法包😢，下次一定會再嚟食💟❣️室外嘅2樓露台打卡位只係得2️⃣張枱，所以如果想坐出面影相嘅📸，記得一定要book枱⚠️➖➖➖➖➖➖➖➖➖➖➖➖➖➖➖➖🌸 服務 🌕🌕🌕🌕🌑🌃 環境 🌕🌕🌕🌕🌑📍 ℒ𝓊𝒶銅鑼灣東角道26號怡安大廈1樓13-15號舖及地下13-16號舖🟰🟰🟰🟰🟰🟰🟰🟰🟰🟰🟰🟰🟰🟰🟰🟰…查看更多

今日落大雨，想揾間好坐啲既餐廳，呢間之前嚟東角bookmark咗想試，餐廳有用心設計，環境幾靚，有地下同二樓兩層，待應帶咗我上二樓用餐。今次食lunch試咗A餐豬湯檬($78)+熱越南滴漏黑咖啡($12)，但餐廳有加一收費，埋單要$99。A餐豬湯檬($78)跟香菜，香菜自動另上。湯檬好夠熱，湯底好濃郁好好味，扎肉好有咬口，口感幾好，豬肉丸都唔錯，其他配料都好味。食到中途加少少辣醬調味，但覺得自己做錯咗，碗湯檬本身幾好味，其實唔洗額外加調味已足夠。熱越南滴漏黑咖啡($12)之前試過其他越南餐廳既越南滴漏咖啡幾好味，今次加錢試埋，揀咗黑咖啡走甜，有點後悔揀咗唔甜，杯黑咖啡本身無豆味，太苦澀，一定要有返啲煉奶先可以中和到陣味。由於黑咖啡太苦，勉強飲兩啖之後放棄。今次既lunch幾好味，豬湯檬會想返嚟再試，注意餐廳有加一收費，同埋lunch hour都幾多人，可以晏少少避咗peak hour嚟試會好啲。…查看更多

今日即興約咗烹飪班同學出嚟銅鑼灣食午餐，但係佢要2:15由西灣河趕到嚟，佢推介嚟呢間喺崇光百貨和世貿中心中段的一間兩層的越南餐廳，佢話唔記得條街叫乜名，但係間鋪係紅色嘅，一樓外面掛滿燈籠，叫我睇吓搵唔搵到，果然俾我搵到了！烹飪班同學因為食牛會敏感，所以叫咗雜錦豬湯檬粉，$119，佢話啲湯好好味，啲豬肉和豬肉丸等等味道都好出色！我叫咗生牛肉雜錦牛肉湯河粉，$119，啲湯底好好味，而且唔油膩，我都飲咗三分之一碗湯。我哋兩個碗湯粉都跟埋一碟越南湯粉應有的所有香草和香葉還有辣椒青檸和桔仔，好認真！令湯粉的鮮味及香味充滿層次！烹飪班同學覺得鮮熱情芒果沙冰張相睇落好靚！今日又好熱，我哋終於每人叫咗一杯，真係超好飲！佢仲食埋喺杯嘅西柚片，我嗰舊就唔小心跌咗落地。還有，呢度嘅樓面職員服務態度非常之殷勤，烹飪班同學叫我出去露台搵啲掛喺一樓嘅燈籠做背景影返張相留念，有位樓面職員一聽到就主動替我哋揸機，烹飪班同學仲話有越南帽做道具。臨走之前，烹飪班同學問樓面是否夜晚依然有live Music，有人唱歌，樓面職員回答只係逢星期五及星期六晚才有，如果我冇記錯應該係晚上七點，如果唔係就係八點。今日我哋嘅午餐平均每人消費係$200。如果想食好味嘅越南餐，又想坐得舒服，服務又好，又可以談心，冇人要趕你走，呢度係首選越南餐廳之一！…查看更多

心血來潮突然間好想食越南野，咁岩係銅鑼灣東角附近見到「Lua」呢間特色越南菜餐廳，比佢紅色既牆身吸引住，加上露台位掛滿燈籠好似置身係會安古城一樣好有feel😍成個view搶眼之餘仲好靚, 打卡更加一流👍🏻店內闊落坐得舒服, 整間餐廳充滿異國風情Dinner set $248 + 必食既班蘭法包$118 🐤前菜 - 酸甜柑桔汁無骨鳳爪酸酸甜甜, 只有少許辣味, 非常爽口開胃 🦐小食 - 越南大蝦米紙卷大蝦好新鮮,入邊有檬粉同埋生菜、蘿蔔絲、青瓜絲配料,加埋煙韌既米紙食落去都幾清爽！加埋酸汁一齊食會更開胃 🐮主菜 - 生牛肉雜錦湯河入面有黑柏葉、牛扎肉、牛皮、牛肉丸、牛肋骨、生安格斯牛肉片等多種配料,湯汁鮮美濃郁，不油膩 。黑柏葉爽口彈牙, 牛肉鮮嫩😋熟度岩岩好, 牛扎肉口感比較紮實 🍮甜品 – 越南烏龍茶果凍烏龍茶既茶味唔算濃,配埋d奶蓋同菠蘿蓉一齊食味道都好夾 🌮班蘭布甸法包配自家製椰子雪糕 (需制作約20分鍾)佢除左賣相吸引, 咬落去脆卜卜好香口同陣陣班蘭味🤤每一啖都好有口感, 真係好好味😋班蘭控必試！…查看更多

這家餐廳裝修好看，服務不錯。點了越南法包，麵包皮酥脆，豬肝醬和扎肉融合的不錯，香菜是靈魂。椰子咖啡很特別，點了少糖，有椰子糖的香味，上面撒了椰子碎，還是比較用心的。…查看更多

岩岩開果陣已經好想去🥹Sogo附近一間靚靚越南菜 樓上室外位置滿天燈籠🏮好似搬左會安古城過嚟🤩價錢中上 但款式多 試左d平時未試過嘅野食🥰一定要坐樓上打卡位 超好feel💕🍗街頭小食滋味拼盤 ($208)勝在多款大盤 每款有兩件左右😂以炸物為主 有春卷 炸雞翼少少油膩🍗純魚扎肉 甘蔗豬串 蝦串香草味濃 🌟🥘手打肉丸酸甜湯配法包 ($88)豬肉丸煙煙韌韌幾好食 重點個湯酸甜適中 點法包🥖唔錯嘅開胃菜😚🦀炸原隻軟殼蟹米紙卷 ($188)內餡有軟殼蟹 檬粉 生菜 蘿蔔絲 一定要點醬食 好味好多🤤🌟🍝酸辣香茅炒虎蝦扎肉檬粉 ($128)呢款唔錯🤩有魚蛋條 蝦肉 檬粉炒得好香 口感煙韌彈牙 調味酸酸地偏辣惹味🥭鮮芒芭菲 ($98)食到呢度已經好飽😂配料較多 有兩層椰子奶蓋 同大量芒果粒😚最驚喜有麻糬粒 🌟Tropical Passion Sunrise ($88)Rum vodka + passion fruit ~易入口又好濃酒Phu Quoc Ocean Paradise ($82)似梳打水😂Screwdriver ($118)橙汁vodka 面頭仲有支啤酒 好fruity 超大杯的說…查看更多