Tagline Restaurant and Bar (已搬遷) 新店位置

日本泰國就食得多，偶爾都要轉下新口味。咁一轉梗係要轉重口味既印度菜！因為佢地香料種類多，醃製都繁複，可以講真係心機菜黎！-Beef Kebab 💰188 8⃣️點5⃣️分以為Kebab係包住一個roll咁，出黎原來係一舊舊切條既牛肉。賣相比較樸實，唔太似印度中東餐廳既特色，但係！！味道卻十分流連忘返。牛肉鮮嫩多汁，而且醬料味道好濃郁，滲透曬肉入面-Butter Chicken 💰128 8⃣️分被香料醃漬數小時既雞肉口感嫩滑細緻，而香料中獨特濃郁既味道瀰漫整個口腔，同日本咖喱唔一樣，依款係你味蕾既佔有慾真係強到食完一口都唔想離開佢，會忍唔住食多幾舊雞肉。-Lamb Rogan Josh 💰128 8⃣️分食得印度菜，梗係問下佢地當地人推介d咩。佢地就推介左依款羊肉。Rogan josh 係北印度喀什米爾的著名菜餚，都係加入印度乳酪同埋丁香等調味，所以味道同樣厚實濃郁。而羊肉處理都十分謹慎，沒有令人覺得頂唔順既蘇味，好軟熟可口。-MixbBreads Basket 💰58 8⃣️点5⃣️分個包多到覺得係唔係唔要錢。淡淡奶油香味加上熱辣辣脆皮的感覺，配搭上咖喱，滿滿既幸福感同飽滿感真係到高峰。