影片
更多
2024-01-24
18 瀏覽
以前細個就話去蘭桂坊飲酒，但係人大個咗，就要開始學識有品味咁樣去飲酒，而最近發現中環鴨巴甸街有一間好創新嘅酒吧，入面有超多特別嘅Cocktail值得大家一試。呢幾日突然凍返好多，就真係要試吓佢哋嘅winter cocktail menu。香港少有嘅主打中式味道嘅bar，不論本地人定遊客都好值得來！！今日叫左幾杯野都好有特色，我會由最鍾意嘅開始講：酒釀丸子-基本上就係平時我哋食嘅甜品，有好濃嘅薑味，加埋自家製嘅蜜糖，同用上roselle，個味道好balanced，係比普通甜品更加昇華嘅cocktail。MULLED MAGNOLIA-呢個基本上就係聖誕必飲嘅mulled wine. 不過相比起出面比較酸嘅mulled wine，呢度用咗羅漢果同啤梨，所以成個味道比較深沉同full bodied。飲完兩杯熱嘅雞尾酒，都有叫埋兩杯凍嘅。砂炒栗子-首先就係smoke左隻酒杯先，Chestnut Liqueur 個味道都好出，加埋chestnut foam真係栗子控必點嘅cocktail。不過我覺得最特別，都係調酒師會用火槍燒住杯cocktail再加nutmeg flakes，呢個時候會有啲火花
呢幾日突然凍返好多，就真係要試吓佢哋嘅winter cocktail menu。香港少有嘅主打中式味道嘅bar，不論本地人定遊客都好值得來！！
今日叫左幾杯野都好有特色，我會由最鍾意嘅開始講：
酒釀丸子-基本上就係平時我哋食嘅甜品，有好濃嘅薑味，加埋自家製嘅蜜糖，同用上roselle，個味道好balanced，係比普通甜品更加昇華嘅cocktail。
MULLED MAGNOLIA-呢個基本上就係聖誕必飲嘅mulled wine. 不過相比起出面比較酸嘅mulled wine，呢度用咗羅漢果同啤梨，所以成個味道比較深沉同full bodied。
飲完兩杯熱嘅雞尾酒，都有叫埋兩杯凍嘅。
砂炒栗子-首先就係smoke左隻酒杯先，Chestnut Liqueur 個味道都好出，加埋chestnut foam真係栗子控必點嘅cocktail。不過我覺得最特別，都係調酒師會用火槍燒住杯cocktail再加nutmeg flakes，呢個時候會有啲火花出嚟，真係好似平時街邊炒栗子嘅效果
醉雞-呢杯真係好似食醉雞個花雕汁咁樣，味道比較濃，亦聞到好香嘅Chili Liqueur，不過最特別就係佢會比兩片青瓜你，可以用嚟清清喉嚨，或者點嚟食，真係幾得意！
最後都要集一集呢度啲調酒師，個個都好好傾，超好人，香港真係要支持吓呢啲咁有創意嘅fusion野
張貼
