影片
更多
2020-03-28
124 瀏覽
早幾日同老公、攸桐媽、蔡爸一齊去打邊邊，屈左咁耐，都要鬆一鬆既，就一次咁多啦！今次我地去左樓下火鍋飯店，去到，佢個門口好以真係返左兒時年代，霓虹燈既招牌，推門入去見到魚缸，有好多游水海鮮，跟住就好係佢個名咁要落樓下，入到去地方超大，連廁所都以男界、女界呢d字眼做分別，而家真係見唔到。我地入到去，服務員超好既服務，因為我地4人，佢就比咗張6人枱我地，跟住佢地就拎調味料同配料比我地，重點一提，佢地見我地整好調味料後，佢地特意攞左一碗由廚房秘制既乾葱油比我地加入調味料度，嘩，呢個真係不得了，拎到黎已經香到不得了，比麻油更香，佢帶有乾葱既香味，我老公即刻話，好彩今次冇飯食，如果唔係就大件事啦！用黎撈飯，又唔知食幾多碗先夠。我地叫左雙拼湯底 - 椰子雞同大紅袍麻辣湯底（原來佢係大紅袍火鍋），黎到時，我地試飲左椰子雞湯底，佢好重鹹豬骨味，偏鹹咗少少，但佢個麻辣就應該啱香港人口味，唔會太重花椒味，唔會得個死辣同死麻，同正宗四川係有少少唔同，我地四個都一至讚好既。鴨血佢真係鴨血黎嫁，煮幾耐都係滑啲啲，又唔會散，唔同出面，豬紅扮鴨血，一夾就散，又嚡。魚卜出面唔係好多地方有，有都好貴，我係街市買都要$3一
今次我地去左樓下火鍋飯店，去到，佢個門口好以真係返左兒時年代，霓虹燈既招牌，推門入去見到魚缸，有好多游水海鮮，跟住就好係佢個名咁要落樓下，入到去地方超大，連廁所都以男界、女界呢d字眼做分別，而家真係見唔到。
我地入到去，服務員超好既服務，因為我地4人，佢就比咗張6人枱我地，跟住佢地就拎調味料同配料比我地，重點一提，佢地見我地整好調味料後，佢地特意攞左一碗由廚房秘制既乾葱油比我地加入調味料度，嘩，呢個真係不得了，拎到黎已經香到不得了，比麻油更香，佢帶有乾葱既香味，我老公即刻話，好彩今次冇飯食，如果唔係就大件事啦！用黎撈飯，又唔知食幾多碗先夠。
我地叫左雙拼湯底 - 椰子雞同大紅袍麻辣湯底（原來佢係大紅袍火鍋），黎到時，我地試飲左椰子雞湯底，佢好重鹹豬骨味，偏鹹咗少少，但佢個麻辣就應該啱香港人口味，唔會太重花椒味，唔會得個死辣同死麻，同正宗四川係有少少唔同，我地四個都一至讚好既。
鴨血
佢真係鴨血黎嫁，煮幾耐都係滑啲啲，又唔會散，唔同出面，豬紅扮鴨血，一夾就散，又嚡。
魚卜
出面唔係好多地方有，有都好貴，我係街市買都要$3一個，佢而家大約$5x都有1x個，真係抵食既。
安格斯牛頸脊
呢個又係超正，只需要7上8下就可以食，脂肪均勻，超重牛味，平時食牛，我唔要見到粉紅色，但食佢我係接受到，呢個真係要食。
魚皮餃
我要食完一碟再叫多碟，唔洗我講啦，你地明啦！
鬼馬油炸鬼
油炸鬼讓咗墨魚滑再加上蟹字，出面食，最怕墨魚滑未熟油炸鬼已經淋晒，佢呢吓勁呀，我地唔記得左，煮左好耐食，佢既油炸鬼仲脆嫁。
黑松露蟹肉餃子
問心，我唔鐘意黑松露，加上佢配上蟹肉，我覺得一般，但黑松露令到蟹肉既味更突出。
脆皮午餐肉
呢個又係正野，食麻辣又點會冇左午餐肉呀，佢攞到黎已經好香午餐肉，落到湯底，煮一陣已經入晒味，簡直外脆內軟。
黃喉
爽脆，唔會淋晒，配麻辣鍋，又係一流。
黑柏葉
又冇異味，好爽口，同樣只需7上8下就食得，煮得太耐又係唔好食。
墨魚滑
好新鮮，撈埋蟹子，食落有卜卜口感之餘，墨魚滑又鮮又彈牙。
脆肉脘魚骨腩
兩個字可形容，”鮮” 、”脆”。
羊肉
因為我唔食羊，所以我冇試過，但老公話佢可能太薄，羊蘇味唔夠。
炸魚皮
呢個真係重點推介，佢拎到埋黎仲聽到卜卜聲，仲熱嫁，夠薄身，我地全部人都係就咁食，完全冇浸到落底。
順便一提，佢地既服務真係細心到一個點，我地真係太鐘意佢既椰子湯底啦，我地不斷飲湯，佢地竟然留意到，完全唔洗我地叫加湯，次次都係佢地主動加湯，我地就問，點解知道我地要加湯呢？佢地就話見到我地係咁飲湯，而且椰子雞湯果邊每次加湯時都發覺比麻辣湯少好多。你地話呀，咁細心既服務邊度搵呀！
最後，我地食飽飽諗住埋單時，佢地又行埋黎，仲問我地食物如何?夠唔夠食?好唔好食?之後仲話有雪糕送比我地食（呢個係數量有限）。
雪糕 - 豆腐、紫薯、雲呢拿同榴槤味，當然唔好錯過我最愛既榴槤味啦！佢攞到埋黎，一見到就嘩左出黎，佢地竟然送 Fruttato，其他味我就唔知，但佢既榴槤雪糕真係超正，真係有果肉嫁，仲要用榴槤做成，唔同其他牌子，得好假既榴槤味，又冇果肉，真係正到暈呀！食埋個雪糕，呢一餐真係超級完美。
23 瀏覽
0 讚好
0 留言
張貼
