蟹仙海鮮蒸氣石碢

營業中

休息中

一直都好想試吓油塘，近鯉魚門，碼頭旁邊嘅蒸氣海鮮。之前終於忍唔住試咗，超正，超新鮮!餐牌好多選擇，全部明碼實價!我地揀咗個2人餐，勁豐富，全部海鮮都非常新鮮，全程有餐廳同事幫手蒸，食完海鮮，再食埋個粥底，再食埋送嘅糖水，真係飽到上心口呀，大滿足呀🤤🤤🤤特別係個青蟹!勁勁勁爆膏，勁鮮甜，勁回甘，流哂油呀!d蟹肉係一疏疏的，只有新鮮蟹嘅肉先可以㗎😋😋除咗靚海鮮，d肉肉配料，小丸子，蔬菜籃，蒸完都好好食，原汁原味，唔使點醬料，都已經好好味!個豬骨粥底，吸收哂所有海鮮同配料嘅精華，加上菜甫和蔥花，簡簡單單，但味絕不簡單，好食!椰汁雪燕糖水都係自家制㗎😋餐廳嘅May姐，超級好人，又熱情，又專業，會主動幫忙處理海鮮，仲會分享海鮮科普小知識，好正呀😗😗😗掛住食，仲有好多嘢，真係影唔切呀😆😆