Lúa (已結業)

呢間餐廳成日經過見到上層掛滿漫天燈籠好搶眼好靚，今日終於約埋朋友仔去食。餐廳分上下兩層，每個角落都有特色嘅打卡位，最有特色當然係戶外漫天燈籠。小食自選拼盤 $150即叫即製粉包 入口滑溜 柑桔汁雞翼 外脆內嫩 柑桔汁味道甜甜地豬肉春卷 好出色 炸得香脆粉包炸兩 (6件) 綠糯米炸鵪春蛋配熱情果醬 (4件) $48綠糯米皮沾上大量粟米片包住鵪鶉蛋，好特別一道小食。炸到脆卜卜，淋上熱情果醬味道酸酸微微，仲有熱情果籽增加口感。越式香茅豬肉飯 伴特色蛋餅 $128蛋餅賣相好得意有粉絲肉碎，好似蒸水蛋肉餅，咸香味重。 香茅豬肉肥美香口，點上醬汁一齊食，好開胃。生牛肉雜錦湯河 $119採用上等安格斯生牛肉片,自家製牛扎肉及牛丸,越南牛肋骨及牛皮,新鮮自家製造河粉及大量牛骨牛肉蔬菜熬製而成牛湯底，湯底極鮮甜，牛肉肉質嫩滑 。鮮芒果芭菲 $98一杯色彩繽紛嘅芭菲，材料豐富。配料有鮮芒果粒,蝴蝶酥,肧芽,椰子奶蓋,寒天晶球,麻糬,蜂蜜蛋糕，口感層次好豐富。