影片
更多
2024-09-11
362 瀏覽
呢間餐廳真係好有feel！一入到去就俾佢嘅裝修同氣氛吸引住，樓底高，空間感十足，仲有live show睇，真係一個好適合同朋友或者家人聚餐嘅地方。Ribeye Set Dinner超正！首先係忌廉南瓜湯，湯底濃郁，南瓜味道香甜，入口滑溜。主菜係烤新西蘭肉眼，足足有8安士重，烤到五成熟，啖啖肉，肉質嫩滑，牛味濃郁，配埋紅酒汁，真係一流！仲有香烤南瓜同番薯作為拌菜，健康又美味。跟餐飲品方面，我揀咗Ginger Beer，清新解渴，帶有微微嘅薑味，好好飲。另外，我哋仲點咗炙燒松葉蟹膏意大利飯，一上枱就聞到陣陣海鮮香味，有帶子、海膽，仲有松葉蟹膏～意大利飯煮得啱啱好，米粒吸晒蟹膏嘅鮮味，每一啖都好滿足。甜品叫咗巴斯克焦香芝士蛋糕，芝士味濃郁，口感軟滑，甜度適中，食完一件仲想再食。最後仲點多杯Mojito，薄荷味清新，酒精濃度又唔會太高，啱晒女仔飲！
呢間餐廳真係好有feel！一入到去就俾佢嘅裝修同氣氛吸引住，樓底高，空間感十足，仲有live show睇，真係一個好適合同朋友或者家人聚餐嘅地方。
Ribeye Set Dinner超正！
首先係忌廉南瓜湯，湯底濃郁，南瓜味道香甜，入口滑溜。
主菜係烤新西蘭肉眼，足足有8安士重，烤到五成熟，啖啖肉，肉質嫩滑，牛味濃郁，配埋紅酒汁，真係一流！仲有香烤南瓜同番薯作為拌菜，健康又美味。
跟餐飲品方面，我揀咗Ginger Beer，清新解渴，帶有微微嘅薑味，好好飲。
另外，我哋仲點咗炙燒松葉蟹膏意大利飯，一上枱就聞到陣陣海鮮香味，有帶子、海膽，仲有松葉蟹膏～意大利飯煮得啱啱好，米粒吸晒蟹膏嘅鮮味，每一啖都好滿足。
甜品叫咗巴斯克焦香芝士蛋糕，芝士味濃郁，口感軟滑，甜度適中，食完一件仲想再食。
最後仲點多杯Mojito，薄荷味清新，酒精濃度又唔會太高，啱晒女仔飲！
張貼
