Briketenia (已改名) 查看

甜食從來不是我的取向，即使high tea亦偏好鹹食，但今次令我有少少改觀。聽聞下午茶今天才開始，主打鹽漬櫻花入饌的甜品，特別之處在於pastry chef保留了櫻花鹹香，令甜品不會死甜，帶鹹鹹酸酸的清新感。下午茶總共4層，5款鹹食、6款甜食。櫻花忌簾紅豆monaka夾著白朱古力mousse、鹽漬櫻花、紅豆蓉，外皮脆脆地，mousse頗香滑，本以為用朱古力做會過甜，卻意外恰到好處，不錯！榛子蛋糕配櫻花果醬望落似小丸子，面頭是櫻花無花果醬，還插上紙傘子，牛油味香濃，但略續偏乾。乳酪布甸配櫻花啫喱薄薄一層粉紅色櫻花啫喱好靚，乳酪布甸酸甜開胃。瑞士卷蛋糕配櫻花蜜糖忌簾櫻花蜜糖忌簾口味，普通，無咩記憶點。櫻花蘋果批玫瑰花形狀好適合打卡，撻入面加左櫻花，食落香脆有層次感。鹹食相對平凡，迷你漢堡包比較特別，漢堡肉汁幾豐富。日本人素來做三文治有一手，煙三文魚三文治，雖然配搭普通，幾軟熟。水準當然無酒店級好，但2位先$388，如果好彩坐到戶外位，仲有大海景，CP值算高。