甜記餃子 (已搬遷) 新店位置

難得嚟荔枝角，朋友帶我嚟呢間幾出名嘅甜記餃子！椰菜冬菇雲耳豬肉餃（10隻）煎得超香口，好足料，好好食😋粟米芝士雞肉餃（5隻）+台灣麵 特登叫麵餐就係為咗加辣菜脯食，台灣麵都係我鍾意嘅麵質～餃子勁足料，入面包住超級多粟米，好香口！ 洋蔥牛肉餃（5隻）+台灣麵 洋蔥牛肉餃係今次試嘅3隻餃子入面嘅最愛，好似食緊漢堡包咁，好好好好足料，牛肉味都重，大推！口水雞 唔會好辣，肉質都爽口，略嫌啲骨有啲多，但份量都算多，3個人分都夠食！整體黎講，真係好抵食，餃子煎得好香口，野食份量都幾多，仲要一啲都唔貴，個辣菜脯仲要幾惹味，食麵點都加返一兩匙～