金亞淶泰國餐廳

營業中

休息中

今日同朋友出來附近睇中醫, 睇完諗住喺附近食啲嘢, 所以工業大廈尋下寶。揀左間泰菜, 閒日晚8點幾都仲好多人, 應該都唔錯。我地見好多人都叫左份火山排骨, 我地都叫埋一份。一來到我地都有啲驚, 因為真係好大份, 呢個價錢絕對係好大的性價比, 真係要4個人先叫食得郁。好靚的豬肋排, 好腍, 吸左啲酸辣汁真係好正架。另外我地叫左個滷水豬脾, 又係超級腍, 但我就嫌佢唔係好夠咸。不過佢個豬皮真係好腍, 滿滿骨膠原的味道。跟住仲叫左個蒜香墨魚, 呢個份量就有啲少, 味道主要係靠面頭的炸蒜, 所以比較一般。但係墨魚都爽口彈牙, 唔會煮老左變橡筋。最後叫左個馬拉棧炒通菜, 味道都夠, 係唔錯。飲品方面我地叫左金鑽菠蘿冰同埋青檸蜂蜜,佢地都係主要落蜜糖,味道會淡啲, 係可以試下。兩個人叫左咁多嘢, 其實真係食唔晒, 所以如果多啲人一齊食係超級抵食。