影片
更多
2019-06-03
535 瀏覽
一個人食lunch，有時係好方便嘅，但有時就唔多方便（有難度）。食拉麵、蓋飯、快餐當然冇問題啦！但如果想打邊爐，食放題就唔容易喇！好彩牛陣有一人任食套餐，真係感激不盡！以為一個人去食火鍋好怪、好毒、好可憐😅？非也！入埸後發現有好幾枱都係獨行俠喎！究竟有咩吸引呢？（最後話你知）平日幫襯日式火鍋放題，肉類都係一碟起兩碟止。所以今次一於試吓佢嘅午市份量火鍋（我揀最平嗰款），所謂「份量」即一人份即係一碟咁解。肉類有牛肉，豚肉，分唔同肉質級數，價錢由$69 - $129，如門前經理所講，睇你想追求啲咩啦！配料、湯、飯、麵、雪糕任食，套餐冇罐裝飲品提供，但有熱茶、冰水供應。湯底 - 套餐只提供清湯。個人選擇都係清湯，清湯用海帶鰹魚熬煮，入口清甜，煮丸、蔬菜、拉麵最夾，醬料都可以唔要火鍋配料 - 最好食係新鮮嘅蔬菜，真係洗得好乾淨，條條菜都咁靚仔。雲耳好大塊，仲有蟲草花呀 可惜係冇我最鍾意嘅超甜粟米囉！急凍丸類，最好食係墨魚丸，爽口彈牙！生拉麵成個上，麵質彈牙，煮耐咗都唔會好淋。飯類有白飯，紅米飯 ，仲有出前一丁，急凍烏冬俾你揀。湯品 - 味噌湯，食火鍋就唔飲湯喇！牛肉 - 終於到主角出場喇！最平嘅
以為一個人去食火鍋好怪、好毒、好可憐😅？非也！入埸後發現有好幾枱都係獨行俠喎！究竟有咩吸引呢？（最後話你知）
平日幫襯日式火鍋放題，肉類都係一碟起兩碟止。所以今次一於試吓佢嘅午市份量火鍋（我揀最平嗰款），所謂「份量」即一人份即係一碟咁解。肉類有牛肉，豚肉，分唔同肉質級數，價錢由$69 - $129，如門前經理所講，睇你想追求啲咩啦！配料、湯、飯、麵、雪糕任食，套餐冇罐裝飲品提供，但有熱茶、冰水供應。
湯底 - 套餐只提供清湯。個人選擇都係清湯，清湯用海帶鰹魚熬煮，入口清甜，煮丸、蔬菜、拉麵最夾，醬料都可以唔要
火鍋配料 - 最好食係新鮮嘅蔬菜，真係洗得好乾淨，條條菜都咁靚仔。雲耳好大塊，仲有蟲草花呀 可惜係冇我最鍾意嘅超甜粟米囉！急凍丸類，最好食係墨魚丸，爽口彈牙！
生拉麵成個上，麵質彈牙，煮耐咗都唔會好淋。飯類有白飯，紅米飯 ，仲有出前一丁，急凍烏冬俾你揀。
湯品 - 味噌湯，食火鍋就唔飲湯喇！
牛肉 - 終於到主角出場喇！最平嘅級數當然只有瘦肉啦！但其實只要掌握好時間，牛肉入口都唔會好'柴' 嘅！
環顧四周嘅日式拉麵店，蓋飯店都要@$80（未計加一）啦！而家可以自己DIY 牛肉麵/飯，仲可以有任食清湯烚菜、雜菌、丸、腸、味噌湯、白飯任裝、拉麵任食、仲有雪糕喎！只係$76（連加一）咋，唔怪之得咁多獨行俠幫襯啦！
張貼
