台北倆伴

營業中

休息中

一直都好鍾意食台灣嘢，好耐冇去過台灣，今日經過見到有間台式餐廳，而且仲有下午茶，價錢非常平，咁就嚟試吓啦。因為今日都比較肚餓，所以一開始就叫咗個麻辣海鮮鍋。一上枱見到佢海鮮份量好多，我最鍾意食佢嘅蝦，因為好大隻之餘又新鮮。而且除咗海鮮之外，佢仲有唔少丸類同餃類，我就認為呢個貢丸最好食。而且入面仲有好多粉絲，我哋叫咗個大辣，味道啱啱好，越食越開胃。朋友就叫多咗個雞卷加拌麵，好似50幾蚊就有咁多食物，而且仲有台式飲品。我試咗一個醉雞卷，有少少酒味，酒味唔係太重大人小朋友都食得。