多款刺身應有的都會有，但以回本出發，選了拖羅、松葉蟹腳、北寄貝、赤蝦等：拖羅超級新鮮並且肥美，油花豐富，油香突出，味道鮮甜，肉質軟嫩並連少許筋，帶少許嚼勁，非常美味，本人親嚐近二十塊；蟹腳肉質爽實，帶點海水鹽香；其餘刺身均新鮮，賣相吸引，味道中上，放題而言絕對超班！
比較吸引及抵食嘅壽司有海膽軍艦、炙燒和牛壽司、三文魚籽三文魚Taco等等，味道可以，海膽鮮甜，可以一試。
壽喜燒鍋中優質牛肉有兩款：SRF美國和牛牛板腱、M7澳洲和牛肩胛肉眼，前者油香與肉味並重，肉質較幼嫩；後者肉味較重，個人偏好前者。而壽喜燒鍋湯底甜美。
鐵板鵝肝香滑幼嫩，帶豐富油脂唔乾水，香而不膩，多士香脆，非常香口惹味。
醉香大頭蝦爆曬膏，酒香豐富入味，肉質爽滑；磯煮飽魚亦非常軟嫩入味。
D24榴槤又係任食，質感非常奶滑creamy，食起黎唔會太淋，榴槤味香濃甜美，放題黎講無得輸。
