泰 (銅鑼灣廣場二期) (已結業)

今日又去咗銅鑼灣搵食， 天氣熱咗就自然想食啲香辣嘢， 就試下呢間新開嘅泰國餐廳Thaiology 😋位於銅鑼灣廣場二期既Thaiology， 位置非常方便， 整個銅鑼灣廣場美食臨立， 銅鑼灣搵食好去處😆餐廳裝修得好靚，以綠色加金色為主題。 兩個人就試下個二人晚餐， 晚餐每一項都可以自由選擇加多個泰式生蝦刺身咁就完整啦😋😋🌟泰式生蝦刺身食泰國嘢冇理由唔食泰式生蝦刺身， 刺身上面鋪咗辣椒同蒜片，呢個非常重要， 在點上佢哋嘅醬汁， 新鮮夠凍，好味🌶👍🌟明爐冬陰功海鮮湯冬陰功呢種香辣味道真係冇嘢可以取代， 個湯配咗兩隻大虎蝦， 青口同魷魚。 湯本身並唔係坊間比較濃稠個種， 所以冬陰功嘅香味更加突出， 好味，飲兩碗都冇問題😎🌟青木瓜沙律沙律唔係靠醬汁， 木瓜絲本身已經醃好咗， 爽口鮮甜，作開胃前菜唔錯😂🌟泰式沙爹一共有四串，我哋揀咗豬肉同雞肉， 真係做得好好，尤其是豬肉，嗰種香味真係念念不忘， 兩種串燒都保留咗肉汁，而且份量十足，好有水準😍😍🌟原條青檸明爐烏頭魚份量十足， 湯比較清香，配左青擰， 同出面做法有啲唔同。 味道越食越出，魚肉放入口之前點上一兩滴青檸汁，酸中帶有魚嘅鮮甜，真係食上癮👍🌟