黑木亭居酒屋 (清風街) (已結業)

來到天后，路過黑木亭見到佢哋而家做緊季節限定優惠，非常抵食。蜜桃烏龍熊茶，雖然叫咗走甜，但也帶有微甜，Bear Bear冰好造型得意可愛，打咭很棒。洛神花茶顏色漂亮，味道酸酸甜甜，消暑解熱，但略嫌太甜。松葉蟹鉗配三文魚子醬，凍食特別鮮甜，蟹鉗的殻切得整整齊齊，食嘅時候超級方一啖一隻好過癮。清酒煮蜆，清酒把蜆肉的鮮甜提升，加上金菇的爽滑，去居酒屋必會order 的。叫了些日式串燒，有蜜糖雞翼、蜜糖燒厚切豬頸肉串、鹽燒黑豚荔枝卷、原條黑豚蘆筍卷和脆燒豆腐。所有串燒味道都很好，即叫即燒，尤其喜歡豬頸肉串和蘆筍卷，豬頸肉彈牙冇揸唔鞋口；黑豚肉包住蘆筍，口感清爽，蘆筍清甜黑豚肉味濃，很不錯。麻辣廣島蠔和麻辣帆立貝，兩款麻辣串燒都很到位，完全沒有雪味，廣島蠔和帆立貝的鮮味卻能保留，下次來一定會再叫。澳洲龍蝦二食現在做季節限定，原價$478特價$239 ，有蘆筍蟹子炒龍蝦球及龍蝦麵豉湯，龍蝦超彈牙新鮮，麵豉湯龍蝦未爆出嚟，真心超抵超好食。