金泰屋

營業中

休息中

機場返工冇乜好嘢食，間唔屎都會揸車嚟呢間隱蔽泰菜。午餐50幾蚊包熱飲，去邊度搵？但係佢嘅出品並唔求其。試過佢嘅海南雞飯，豬手飯，香葉肉碎飯，咖喱軟殼蟹，豬肉丸湯粉，全部都感覺到係正宗嘅泰國味道。湯粉上邊嘅香料菜多到不得了一啲都唔手軟。海南雞飯平穩正常嘅發揮。雞皮爽脆有油光，雞肉夠嫩滑。加錢要杯青檸梳打，正！今日當同同事開年，叫埋個拼盤，有蝦餅魚餅春卷炸雞翼同酸辣鳳爪。鳳爪清香爽脆，春卷食到入面有芋頭絲。咁就午飯簡直食到超級飽，大滿足。疫情關係佢而家冇開樓上室內位置只開外面室外。如果搵唔到有遮蓋位，太陽直曬都幾係嘢。