一樂燒鵝

營業中

休息中

今日終於嚟到一樂，第一次幫襯。講真，真係有的驚喜。完全值得推介。見到餐牌有撈麵，本來好想食。但係今日個肚有啲頂，所以叫咗一碗鵝髀米。一上檯，冇叫佢鵝髀分開上。所以鵝髀浸住喺碗湯米粉度咁樣出嚟。個人感覺唔係太鍾意。因為一般嚟講，浸住，梗係驚冇咁好食。不過，一試之下真係有驚喜！鵝肉非常有鵝味。肉質鬆軟，柔嫩。層燒鵝皮厚度適中，唔會太薄，又唔會太口厚。最重要係食落脆口！完全值得一讚！個湯底先係一絕！嚟到呢度，淨係飲碗湯都正！所以食碗湯米，非常滿意。值得一提嘅係，由於嚟親個個都係嗌鵝髀，所以我留意到，隔一陣，事頭婆就會嗌鵝脾暫停。呢個真係可以理解嘅！所以大家嚟食鵝脾，真係要靠運氣。食完一碗燒鵝髀米，真係太好味，好味道唔夠喉，想即時再嗌一碗。