Home Kitchen

營業中

休息中

上星期睇咗份應該唔係線稿嘅報紙介紹呢間餐廳，聲稱個豬扒做得好食，所以特登嚟試一試。因為香港就算賣到好貴（什麼西班牙黑毛豬)都好難食到好食嘅豬扒。不過今次不得不寫食評讚一讚呢間餐廳塊豬扒而希望喺疫情底下可以留返低呢一類型嘅餐廳。好食，抵食！睇圖都見到塊豬扒厚過個包，基本上我係分開食。因為根本冇可能當一個漢堡包咁食。重點係塊豬扒真係做得好林，好好食。最後食完d薯條同塊豬扒，已經冇食到個包，太飽。其實唔係好想食啲薯條，不過佢應該係新鮮炸，唔係返炸，最後都係食晒。有點罪惡感！佢哋有個秘製醬汁豬扒，應該叫嗰個就算。$98蚊，係邊度搵？有良心！