南越南咖啡廳

營業中

休息中

呢間越南餐廳係我嘅至愛，每一次嚟食都有驚喜，帶埋朋友過嚟，佢哋都好鍾意。今次點咗必食嘅招牌金邊粉，湯底好濃郁，而且材料好豐富，有牛肉、牛丸、牛筋等等，金邊粉幼身又彈牙，口感好好。小食方面，點咗火龍芒芒蝦仁配脆蝦片，脆蝦片上面有清新嘅火龍果同埋芒果加蝦仁，口感豐富。另外仲點咗惹火上身鹹檸豬頸肉，豬頸肉燒到好香！NVN 咖啡骨係將豬軟骨加入咖啡去煮，好特別。呢個越式惹味粟米條好驚喜，烤粟米竟然完全唔會乾，再加埋啲開胃嘅醬汁，好好食。飲品點左斑蘭奶蓋咖啡啤酒，正！