餃撚店

營業中

休息中

今日食左一間我覺得超高質嘅餃子店，之前喺其他區都去過其他專賣餃子嘅舖頭，但係都覺得一般，但係今日經過呢間見到佢連續三個舖頭都要晒，感覺規模好大，裝修亦都係行復古式，幾特別。我完全冇諗過會咁鍾意食叫過嘅每一樣嘢！首先XO醬翠玉瓜帶子蝦仁煎餃煎得好好，外皮脆脆，裡面帶子同蝦都好大隻，d蝦更加係爽脆嘅！椰香荔芋臘腸香菇餃都係一大驚喜，creamy得黎好香臘腸香菇味，感覺就係食緊一個高級fusion脆蘿蔔糕！另外蒸餃我地要左韭菜豬肉餃，估唔到每一隻入面都保留到有勁多湯汁！小籠包都一樣，湯汁好正！最後連個清香芫荽皮蛋湯麵我都覺得好出色，個湯底超好飲，我地清底埋！呢到好處就係有三間舖頭黐埋一齊，燈線夠光猛，上菜速度亦都超級快，感覺地方好乾淨，所以完全唔使擔心要大排長龍先食到好味嘢！