Patisserie Tony Wong Dessert Cafe (已結業)

好多人話Tony Wong蛋糕好好食，今次買咗伯爵茶口味比媽媽大人～ 首先蛋糕嘅外貌已經贏在起跑線，蝴蝶同埋封蠟章令個蛋糕多左份仙氣，媽媽第一眼見到已經好開心！食落每一個部分都有好濃嘅茶味，就連餅底都有茶味，真係食得出好濃好足料！同時即使係伯爵茶mousse唔會太甜，餅底仲有小小脆唔會得個硬字～裝飾朱古力係用真白朱古力做所以都好好食！總括嚟講第一次食好有驚喜，貴得來好值👍🏻另外想讚店員服務態度非常好，有一次買完take away之後想轉堂食店員都幫忙安排，又熱心幫手影相，十分抵讚！！