BEATS

營業中

休息中

喺諾士佛台，大部份都係西式bar! 無啦啦聽到有人live唱廣東話歌，估唔到新開左間有得唱K嘅餐廳。地段超方便，啲啲人唱歌嘅質素好高， 聽聞注場歌手都係出面表演開。講返去啲嘢食，喺諾士佛台嚟講，價錢真係算平！食物質素都幾高！唔使$300有個set！蟹餅，坦白講一般，蟹肉唔算多，但係揸得好通透，感覺似可樂餅多！個湯好出色，我覺得好香，一開始我以為係蕃茄味，估唔到飲落，就只係農香嘅海鮮味！牛扒我覺得係必點，完全唔係出面好薄梳打粉嘅牛扒，我哋叫五成熟，佢真係煎得啱啱好！好多餐廳都做唔到，牛扒質素高，脂肪分布一流！牛扒厚度適中，口感好好！